Գլխավոր դատախազությունը Գյումրու նախկին քաղաքապետ Վարդան Ղուկասյանից և նրան փոխկապակցված անձանցից պահանջում է բռնագանձել անշարժ և շարժական գույք։ Տեղեկությունը հայտնում է դատախազության մամուլի ծառայությունը։
2024 թվականի վերջին ԵԱՏՄ երկրները համաձայնագիր կստորագրեն եվրասիական տրանսպորտային միջանցքի ավտոճանապարհներով երթևեկող տրանսպորտի պարամետրերի մասին։ Տեղեկությունը հայտնում է Ղազախստանի առևտրի և ինտեգրման նախարարությունը։
Իշխանությունը սկսել է մտածել Ֆրանսիայում, Շվեյցարիայում, Ավստրիայում ՀՀ արտակարգ և լիազոր դեսպանների փոխատեղումների հարցի մասին։ Տեղեկությունը հայտնում է «Հրապարակ» օրաթերթը։
ՀՀ իշխանությունները հայ հասարակությանը փորձում են համոզել, թե հայ–ադրբեջանական հարաբերություններում հուլիսի 1–ից հետո ոչինչ տեղի չի ունենում։ Sputnik Արմենիայի հետ զրույցում տեսակետ հայտնեց «Պատիվ ունեմ» խմբակցության քարտուղար Տիգրան Աբրահամյանը։
Ռուսաստանի կողմից Հայաստանի տարածքով միջանցքի հարցի հրատապությունը հարված էր Երևանի իշխանությունների քարոզչամեքենային, որը Բաքվի հայտարարությունը, թե այդ հարցը ժամանակավորապես դուրս է եկել օրակարգից, որպես դիվանագիտական լուրջ հաջողություն էր ներկայացրել։ Դրա մասին News.am-ի թղթակցի հետ զրույցում հայտարարել է քաղաքական տեխնոլոգ Վիգեն Հակոբյանը։
Հայաստանի գործատուների հանրապետական միությունում (ՀԳՀՄ) կարծում են, որ եթե ՊԵԿ-ն իսկապես մտահոգված է հարկերի հավաքագրման և հարկային կարգապահության բարձրացման խնդրով, ապա նա պետք է, պարզապես, հրաժարվի խրախուսական նորմերը վերացնելու և հարկային իրավախախտումների համար ավելի խիստ քրեական պատասխանատվություն սահմանելու նախաձեռնությունից, քանի որ դրա ընդունումը, ի թիվս երկրի տնտեսության համար այլ կործանարար հետևանքների, ուղղակիորեն կխորացնի հարկերից խուսափելու խնդիրը:
Միջազգային և համեմատական իրավունքի կենտրոնը, Հայ դատի համակարգում գործող Հայկական իրավական կենտրոնի հովանավորթյամբ, հրապարակել է մանրամասն զեկույց՝ անդրադառնալով Արցախում տեղի ունեցած վերջին էթնիկ զտումներին, որոնք պայմանավորված են Ադրբեջանի երկարատև հակահայկական խտրական քաղաքականությամբ։ ՀՅԴ Բյուրոյի Հայ դատի կենտրոնական գրասենյակից News.am-ին հայտնում են, որ զեկույցը վիճարկում է, որ Արցախի շրջափակումը, ռազմական հարձակումը և հաջորդող բռնի տեղահանումը իրարից առանձնացված միջադեպեր չեն, այլ հայերի դեմ խորապես արմատացած ինստիտուցիոնալ քաղաքականության գագաթնակետ։
Ակնհայտ է, որ իշխանությունների օրինակարգությունը սպառվել է, նրանք խախտել են սահմանադրական կարգը, ավելին, Ալիևի հետ համաձայնությամբ Արցախը հանձնել են Ադրբեջանին։ Դրա մասին News.am-ի թղթակցի հետ զրույցում հայտարարել է «Հայաստան» դաշինքի պատգամավոր Իշխան Սաղաթելյանը։
Եվրամիությունը Telegram-ին կասկածում էր միության տարածքում օգտատերերի թիվը նվազեցնելու մեջ։ Նման մանիպուլյացիաները կարող են ձեռնարկվել, որպեսզի մեսենջերը չընկնի ավելի խիստ կարգավորման տակ՝ համաձայն Թվային ծառայությունների ակտի (DSA), գրում է Financial Times-ը (FT):
Միգրացիայի և քաղաքացիության ծառայությունից տեղեկացնում են, որ Ներքին գործերի նախարարության միգրացիայի և քաղաքացիության ծառայության պետ Արմեն Ղազարյանն անդրադարձել է ՀՀ-ԵՄ վիզաների ազատականացման թեմային՝ կատարելով մի քանի կարևոր արձանագրություններ․