Արա ՄԵԼԻՔՍԵԹՅԱՆ

հոդվածներ 296

«ԳԱ» մեկնաբան։

P.S մշտական խորագրի վարող։

«ԱիՖ-Երևան» նախագծի խմբագիր։

Մասնագիտական հետաքրքրության ոլորտները-տնտեսություն, ներքին քաղաքականություն, արտաքին քաղաքականություն։

Բոլոր հոդվածները

  • 2022-07-11 16:41
    текущие события

    ՄԻՐԶՈՅԱՆԻ ԳԱՆԳԱՏՆԵՐԸ ՍԽԱԼ ԵՆ ՀԱՍՑԵԱԳՐՎԱԾ

    Իրավիճակը Հարավային Կովկասում շարունակում է մնալ փխրուն, և մինչ Հայաստանն իր գործողություններով ձգտում է վերսկսել խաղաղության համապարփակ բանակցությունները, այդ թվում՝ Լեռնային Ղարաբաղի հակամարտության կարգավորման շուրջ, և դրանով իսկ կայունություն և խաղաղություն հաստատել տարածաշրջանում, Ադրբեջանը շարունակում է սադրիչ գործողությունների և ուժի կիրառման սպառնալիքների իր քաղաքականությունը։

  • 2022-07-08 16:29
    анализ

    ԳՆԵՐ. ՏԱԳՆԱՊԱԼԻ ՄԻՏՈՒՄՆԵՐԸ ՊԱՀՊԱՆՎՈՒՄ ԵՆ

    Չնայած այն բանին, որ ՀՀ ԿԲ-ն դրամի ամրապնդմանն իր չդիմադրելով փորձում է զսպել գնաճը, այդուհանդերձ թանկացումը կասեցնել չի հաջողվում: Այստեղ, իհարկե, կա արդարացուցիչ ավանդական գիծը։ Ասել է թե՝ կարող էր և ավելի վատ լինել։ Այդ մոտեցումը սկզբունքորեն համապիտանի է և գործածվում է այն ամենի նկատմամբ, ինչը բացասական հատկանիշներ է կրում: Ինչևէ, հասարակական ընկալման մեջ «կարող էր և ավելի վատ լինել» արդարացումն արդեն վաղուց չի գործում որպես մխիթարական ազդակ։ Հասարակական ընկալման մեջ գործում է «այստեղ և այս պահին» բանաձևը։ Ահա ուրեմն, անկախ նրանից, թե ինչպես կարող էր լինել, այս պահին գների առումով վիճակը վատ է։

  • 2022-07-07 08:23
    анализ

    ՕԴԱՆՑՔ ՈՒՐԻՇՆԵՐԻ ՀԱՄԱՐ

    Վիեննայում Հայաստանի և Թուրքիայի միջև հարաբերությունների կարգավորման հարցով հատուկ ներկայացուցիչներ Ռուբեն Ռուբինյանի և Սերդար Քըլըչի չորրորդ հանդիպման արդյունքում կոնկրետ պայմանավորվածություններ են ձեռք բերվել: Ինչպես հաղորդում է ՀՀ ԱԳՆ մամլո ծառայությունը, կողմերը համաձայնել են հնարավորինս սեղմ ժամկետներում ապահովել հայ-թուրքական ցամաքային սահմանի հատման հնարավորությունը Հայաստան և Թուրքիա այցելող երրորդ երկրների քաղաքացիների համար և որոշել են սկսել անհրաժեշտ գործընթացներն այդ ուղղությամբ: Պայմանավորվածություն է ձեռք բերվել նաև երկու երկրների միջև բեռների ուղիղ ավիափոխադրումների շուտափույթ մեկնարկի մասին և որոշում կայացվել սկսել անհրաժեշտ գործընթացներն այդ ուղղությամբ:

  • 2022-07-04 22:24
    анализ

    ՆՈՒՆՅՆՆ Է, ԹԵ ԹՐՋՈՑ ԴՆԵԼ ՄԵՌԵԼԻՆ

    Հայաստանի կառավարությունը հաստատել է 2023-2025թթ. պետական միջնաժամկետ ծախսերի ծրագիրը և 2022-2026 թթ. պարտքի բեռի նվազեցման վերանայված ծրագիրը։ Նիկոլ Փաշինյանը նշել է, որ միջնաժամկետ ծախսերի ծրագիրը նախատեսում է պետական բյուջեի ծախսերի և եկամուտների զգալի ավելացում: Անդրադառնալով թոշակների բարձրացմանը՝ նա, մասնավորապես, նշել է. «Դա նաև մեր նախընտրական ծրագրի մեջ էր գրված, որ 2023 թվականի հունվարի 1-ից մենք կունենաք կենսաթոշակների բարձրացում: Կենսաթոշակների բարձրացման բանաձևերի մասին առաջիկայում ավելի մանրամասը կխոսենք: Մենք կունենանք նվազագույն աշխատավարձի բարձրացում: Նախատեսվում է, որ նվազագույն աշխատավարձը 68 000 դրամից կդառնա 75 000 դրամ, որն արդեն գործակիցներով կհաշվարկվի»։

  • 2022-07-01 21:20
    текущие события

    ԲԱՔՈՒՆ ՇՏԱՊՈՒՄ Է, ԻՍԿ ԵՐԵՎԱՆԸ՝ ՀԱՊԱՂՈՒՄ

    Բերձորի և Աղավնոյի հետ կապված հարցերը, սկսած նոյեմբերի 9-ից, մենք քննարկել ենք Արցախի գործընկերների հետ, հայտարարել է լրագրողներին ՀՀ Անվտանգության խորհրդի քարտուղար Արմեն Գրիգորյանը, հաղորդում Է News.am-ը։ «Արցախի իշխանություններն այս մասով աշխատանքներ են տանում։ Սրա մասին նաև հրպարակային խոսել են: Մենք դեռ ժամանակ ունենք և՛ ճանապարհի մասով, և՛ բնակիչների համար լուծումներ գտնելու, մոտավորապես 1,5 տարի ունենք, Արցախի կառավարության հետ կաշխատենք ու լուծումներ կգտնենք»,- հայտարարել է Գրիգորյանը։

  • 2022-06-30 21:09
    текущие события

    ԴԵՌ ՎԱՂ Է ԹԱՂԵԼ ԵԱՀԿ ՄԽ-Ն

    Հայաստանը պետք է կոնկրետ քայլեր ձեռնարկի խաղաղ կարգավորման ուղղությամբ, այլ ոչ թե փորձի վերակենդանացնել Մինսկի խմբի ձևաչափը, որը չի գործում։ Այս մասին ասվում է Ադրբեջանի ԱԳՆ հայտարարության մեջ՝ ի պատասխան Հայաստանի վարչապետ Նիկոլ Փաշինյանի հայտարարության, հաղորդում է Sputnik Արմենիան։ Բաքվում կրկին կասկածի տակ են առել տարածաշրջանում երկարաժամկետ խաղաղություն հաստատելու Երևանի ձգտումը։ «Եթե Հայաստանն իսկապես խաղաղություն է ցանկանում, ապա պետք է քաղաքական կամք դրսևորի և կոնկրետ քայլեր ձեռնարկի խաղաղության ուղղությամբ, այլ ոչ թե ժամանակ վատնի մի ձևաչափի վերակենդանացման վրա, որի արդյունավետությունը միշտ ցածր է եղել, և որի անդամները բացահայտ հայտարարում են դրա գործունեության անհնարինության մասին», - նշել են Ադրբեջանի ԱԳՆ-ում:

  • 2022-06-28 21:30
    текущие события

    ԻՐ ԵՎ ԱՅՆ ՏՂԱՅԻ ՀԱՄԱՐ

    Թուրքական ավիացիոն իշխանությունները չեն տրամադրել իրենց երկրի օդային տարածքը FLYONE ARMENIA ավիաընկերությանը՝ դեպի Լիբանան չվերթների իրականացման (overflight) համար: Այս մասին ասվում է փոխադրողի հաղորդագրության մեջ։ Ստեղծված իրավիճակի հետևանքով ավիաընկերությունը ստիպված է մինչև հուլիսի 21-ը չեղարկել Երևան-Բեյրութ-Երևան չվերթները: Տվյալ երթուղով թռիչքների վերսկսման մասին կտրամադրվի համապատասխան տեղեկատվություն։ Ավիաընկերությունը ուղևորներին առաջարկում է հետևյալ այլընտրանքները. թռիչքի ամսաթվի փոփոխություն, չեղարկված թռիչքի գումարի ամբողջական վերադարձ: Եթե ավիատոմսը ձեռք է բերվել տուրիստական գործակալությունում, ավիաընկերությունն առաջարկում է կապ հաստատել գործակալության հետ՝ ներկայացված տարբերակներից մեկն ընտրելու համար: Միևնույն ժամանակ նշվում է, որ Երևան-Ստամբուլ-Երևան, Երևան-Փարիզ-Երևան և Երևան-Լիոն-Երևան չվերթները իրականացվում են ըստ չվացուցակի, հաղորդում է armeniatoday.news-ը։

  • 2022-06-21 09:16
    мнение

    ՇԱՏ «ՅՈՒՐԱԺԱՄԱՆԱԿ» ԳԱՂԱՓԱՐ

    Երևանի քաղաքապետարանը պատրաստվում է խստացնել պայքարը փողոցային ապօրինի առևտրի դեմ։ Ինչպես հաղորդում է գերատեսչության մամուլի ծառայությունը, շրջանառության է մտցվել մի օրինագիծ, որը նախատեսում է վաճառվող արտադրանքի առգրավում, հաղորդում է ԱՌԿԱ գործակալությունը: Նշվում է, որ 2019-2022 թթ.կազմվել է ապօրինի առևտրի վերաբերյալ 3583 արձանագրություն, որոնցով տուգանքները գերազանցել են 80 մլն դրամը, սակայն վճարված է դրա կեսից էլ պակասը: Փոխքաղաքապետ Սուրեն Գրիգորյանի խոսքերով, քաղաքապետարանը նախազգուշացնում է իրավախախտներին, տուգանում, սակայն մի քանի ժամ անց վաճառողներն իրենց ապրանքը կրկին դնում են փողոցներում։ Նա ընդգծել է, որ ապրանքի բռնագրավումը ծայրահեղ քայլ է, սակայն խնդրի լուծման միակ գործուն մեթոդն է:

  • 2022-06-17 08:39
    анализ

    ԵՐԵՎԱԿԱՅԱԿԱՆ ԳԾԵՐ

    Հայաստանի վարչապետ Նիկոլ Փաշինյանը Al Jazeera հեռուստաալիքին տված հարցազրույցում պատասխանել է այն հարցին, թե ինչպիսին են ՀՀ մոտեցումներն ու դիրքորոշումն այն միջանցքի վերաբերյալ, որը, ենթադրաբար, պետք է կապի Ադրբեջանh ու Թուրքիան Հայաստանի տարածքի միջով, հաղորդում է ԱՌԿԱ-ն: «Մեզ համար անընդունելի են այսպես կոչված միջանցքի մասին ձևակերպումները, և դա մեզ համար կարմիր գիծ է, քանի որ մեր տարածաշրջանում, համաձայն եռակողմ հայտարարության (2020թ.նոյեմբերի 9-խմբ.), մենք ունենք մեկ միջանցք, և դա Լաչինի միջանցքն է, որը կապում է Լեռնային Ղարաբաղը Հայաստանին»,- հայտարարել է նա: Փաշինյանը նշել է, որ այդ նույն հայտարարության մեջ կա նաև մեկ այլ դրույթ հաղորդակցության բացման մասին։ «Նկատի ունեմ երկաթուղիներ, ճանապարհներ, և մենք պատրաստ ենք, իրականում արդեն քննարկում ենք տարածաշրջանային հաղորդակցությունները բացելու հարցը՝ երկուստեք ինքնիշխանության և սահմանների անքակտելիության հարգանքի սկզբունքով»,- ընդգծել է նա:

  • 2022-06-09 19:55
    анализ

    ՏՈՄՍ՝ ՄԵԿ ՈՒՂՂՈՒԹՅԱՄԲ

    Հայաստանի մշտական բնակչության թվաքանակը, 2011թ. մարդահամարի հիման վրա ընթացիկ հաշվարկի տվյալներով, 2022-ի ապրիլի 1-ի դրությամբ կազմել է 2 միլիոն 961,6 հազար մարդ՝ 2021-ի նույն ժամանակահատվածի համեմատ գրանցված 2 միլիոն 963,9 հազար մարդու համեմատ, հաղորդում է ԱՌԿԱ-ն: Այդ մասին են վկայում հանրապետության Ազգային վիճակագրական կոմիտեի տվյալները։ Հայաստանի քաղաքային բնակչության թիվը կազմել է 1 միլիոն 891,4 հազար բնակիչ, ընդ որում Երևանում ապրում է 1 միլիոն 93,2 հազար մարդ: Գյուղական համայնքների բնակչության թիվը կազմում է 1 միլիոն 70,2 հազար մարդ: