2022 թվականի 1-ին եռամսյակում հարկային եկամուտների և պետական տուրքի մասով պետական բյուջեի փաստացի մուտքերը կազմել են 400,6 մլրդ դրամ: Այս մասին տեղեկացնում է ՊԵԿ տեղեկատվության և հասարակայնության հետ կապերի բաժինը, հաղորդում է PanARMENIAN.Net-ը։ ՀՀ կառավարության համապատասխան որոշմամբ նախատեսված ծրագրային ցուցանիշը սահմանվել է 395,4 մլրդ դրամի մակարդակում, այսինքն գերակատարումը կազմել է 5,2 մլրդ դրամ կամ 1,3%:

Ամերիաբանկը ճանաչվել է 2022թ. Հայաստանի լավագույն բանկը միջազգային ֆինանսական ոլորտում մասնագիտացած «Global Finance» հեղինակավոր ամսագրի կողմից։ Մրցանակը հայտարարվել է «Global Finance»-ի կողմից անցկացվող աշխարհի լավագույն բանկերի ամենամյա 29-րդ մրցանակաբաշխության շրջանակում, որը գնահատում է ընթացիկ ժամանակահատվածում աշխարհի շուրջ 150 երկրում և տարածքում բանկերի արձանագրած ֆինանսական արդյունքները։

«Արդշինբանկ» ՓԲԸ-ն տեղեկացնում է, որ համաձայնություն է ձեռք բերվել «ՎՏԲ-Հայաստան բանկ» ՓԲԸ-ի հետ` վերջինիս սպառողական վարկերի մանրածախ պորտֆելի մի մասի փոխանցման վերաբերյալ, հաղորդում է Արդշինբանկի մամուլի ծառայությունը:

Առատ տեղումները գյուղատնտեսության համար որոշակի չափով կմեղմացնեն ոռոգման ջրի խնդիրը։ «Փաստինֆո»-ի եթերում հայտարարել է գյուղատնտես, գյուղատնտեսության նախկին փոխնախարար Աշոտ Հարությունյանը։  

Հայրենական անասնաբուծությունը, որը նախկինում ևս չէր առանձնանում հատուկ ձեռքբերումներով, այսօր գտնվում է ծանր վիճակում։

Ինչպես հայտնի է, այօսր մենք ապրում ենք մի իրողության մեջ, երբ համատարած թանկացումներ են, երկիրը փաստացի կանգնած է սոցիալական կատաստրոֆայի առաջ։ Համատարած գնաճը, զանգվածային թանկացումները գումարած դրամի օրեցօր արժեզրկումը հասարակության մոտ ոչ մի դրական ակնկալիքի հույս այլևս չի թողել։

Հայ արտադրողները ռուսական առևտրային ցանցեր մուտք գործելու նոր հնարավորություն են ստացել։ Այս մասին Sputnik Արմենիայի թղթակցին ասաց հայտնի ռուսաստանցի շուկայագետ, Retail 4you ընկերության հիմնադիր տնօրեն Սերգեյ Լիշչուկը։ Նա հավելեց, որ որքան էլ տարօրինակ է հնչում` այդ հնարավորությունները բացվում են ճգնաժամային երևույթների հետևանքով։

Ռուսաստանում տնտեսական խնդիրներն ու գործազրկության աճը բացասաբար արձագանք են ունենալու նաև Հայաստանի սոցիալ–տնտեսական վիճակի վրա։ Sputnik Արմենիա մամուլի կենտրոնում կայացած ասուլիսում նման կանխատեսում արեց ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչ Կառլեն Խաչատրյանը` խոսելով Հայաստանի տնտեսության վրա հակառուսական պատժամիջոցների հնարավոր ազդեցության մասին։

Ինչ տնտեսական դասեր պետք է քաղել էս ճգնաճամից.