Ռուս քաղաքագետ Վասիլի Կոլտաշովը Alpha News-ի հետ զրույցում անդրադարձել է ՀՀ վարչապետ Նիկոլ Փաշինյանի հայտարարությանը, թե պատրաստ է սահմանադրական փոփոխություններ նախաձեռնել, եթե Հայաստանի Սահմանադրական դատարանը մերժի Բաքվի հետ խաղաղության համաձայնագիրը:  

Շվեյցարիայի մայրաքաղաք Բեռնում իր աշխատանքներն մեկնարկեց «Շվեյցարիայի խաղաղության նախաձեռնությանն» աջակցող 19 պատգամավորներից կազմված միջկուսակցական հանձնախումբն՝ օժանդակելու արցախահայության վերադարձի իրավունքի իրացման համար միջազգային անհրաժեշտ մեխանիզմներ կենսագործելու մասին՝ Շվեյցարիայի խորհրդարանի որոշմանը, ինչը երկրի գործադիր իշխանության համար ունի իրավակիրառ պարտադիր նշանակություն:

Հայկական իշխանությունները արագ համաձայնեցրել են Սյունիքի մարզում ֆրանսիական պատվո հյուպատոսություն բացելու ծրագրերը, մինչդեռ ռուսական կողմը արդեն մոտ երեք տարի է ջանքեր տարում նույն տարածաշրջանում գլխավոր հյուպատոսություն ստեղծելու թույլտվություն ստանալու համար:

Լեռնային Ղարաբաղի Հանրապետությունը «հանցավոր կազմակերպություն» անվանելը միջազգային իրավունքի, ժողովուրդների ինքնորոշման սկզբունքի և ՄԱԿ-ի հիմնարար դրույթների բացահայտ խախտում է: Այս մասին ասվում է Արցախի Պահպանության կոմիտեի հայտարարության մեջ: Այսպիսով կոմիտեն պատասխանել է Ադրբեջանի դատախազությանը, որը Ռուբեն Վարդանյանի մարդասիրական գործունեությունը «ահաբեկչության ֆինանսավորում» է անվանել, իսկ ԼՂՀ-ն՝ «հանցավոր կառույց»:

Մի խումբ իրավապաշտպաններ և քաղհասարակության ներկայացուցիչներ «Yerevan Dialogue» համաժողովին Կրեգ Օլիֆանտի մասնակցության անընդունելիության վերաբերյալ հայտարարություն են տարածել։

Մեծ շանսոնյե Շառլ Ազնավուրի որդին՝ «Ազնավուր» հիմնադրամի համահիմնադիր Նիկոլա Ազնավուրը և նրա կինը` Քրիստինան, շնորհավորական ուղերձ են հղել Բաքվի բանտում գտնվող, բարերար Ռուբեն Վարդանյանի ծննդյան օրվա կապակցությամբ։

Ինչպես արդեն հայտնել ենք, Մոսկվայում ԴԻԱԼՈԳ մատենաշարում լույս է տեսել Գևորգ Մինասյանի և Անժելա Սիմոնյանի «Հաքան Ֆիդան. ուրվագծեր Թուրքիայի ապագա հնարավոր նախագահի դիմանկարին» գիրքը, որի շնորհանդեսը ապրիլի 21-ին կայացել է «Բիբլիո-Գլոբուսում»՝ Մոսկվայի գլխավոր գրքի տանը։ Գրքի հրատարակությունը և շնորհանդեսը մեծ հետաքրքրություն են առաջացրել Հայաստանի և Ռուսաստանի գիտական, դիվանագիտական և հասարակական շրջանակներում։

Արցախի նախկին պետնախարար, գործարար և բարերար Ռուբեն Վարդանյանի դեմ մեղադրանքները քաղաքական շարժառիթներով են, իրավական հիմք չունեն և կոպտորեն խախտում են միջազգային իրավունքի նորմերն ու արդար դատաքննության սկզբունքները։ Այս մասին հայտարարություն է տարածել իրավապաշտպան և Ռուբեն Վարդանյանի ընտանիքի ներկայացուցիչ, Վարդանյանի միջազգային իրավական թիմի անդամ Սիրանուշ Սահակյանը։

Ադրբեջանը զրոյից ստեղծում է «պատմական Ադրբեջան» և տանում առաջ, իսկ Հայաստանը հրաժարվում է պատմական Հայաստանից։ Sputnik Արմենիայի հետ զրույցում այս տեսակետը հայտնեց քաղաքագետ Կարեն Իգիթյանը։