Գյումրի համայնքի ավագանու արտահերթ նիստի մեկնարկին նիստը վարող համայնքի ղեկավար Վարդգես Սամսոնյանը հայտնեց, որ Ավագանու «Քաղաքացիական պայմանագիր» խմբակցության 5 անդամ վաղաժամկետ վայր է դրել մանդատները և դրանք փոխանցվում են ընտրական ցուցակի հաջորդ 5 անձանց՝ Անժելա Մաթևոսյանին, Նարեկ Բեգզադյանին, Վոլոդյա Հակոբյանին, Հայկ Ստեփանյանին և Պարգև Գևորգյանին։
Եվրահանձնաժողովը հայտարարել է 1,5 միլիարդ եվրոյի առաջին տրանշի հատկացման մասին՝ Ուկրաինային զենք գնելու համար՝ Ռուսաստանի Դաշնության սառեցված ակտիվների վերաներդրումից ստացված եկամուտներից, գրում է Եվրահանձնաժողովի ղեկավար Ուրսուլա ֆոն դեր Լայենը X-ում։
Բարաք և Միշել Օբամաները հրապարակայնորեն պաշտպանել են Դեմոկրատական կուսակցությունից ԱՄՆ նախագահի պաշտոնում Քամալա Հարիսի թեկնածությունը։ Հարրիսի շտաբը հրապարակել է մի տեսանյութ, որտեղ նախկին նախագահը և նրա կինը զանգահարում են նրան:
Գյումրու նախկին քաղաքապետներ Վարդան Ղուկասյանի և Սամվել Բալասանյանի որոշումներով օտարված 24 անուն գույքը հետ պահանջելու վերաբերյալ հայց կներկայացվի դատարան։ Որոշումը կայացվել է «Քաղաքացիական պայմանագիր» խմբակցության նախաձեռնությամբ այսօր՝ հուլիսի 26-ին, գումարված Գյումրու ավագանու արտահերթ նիստում: ՔՊ խմբակցության ղեկավար Քնարիկ Հարությունյանը մանրամասնել է, որ դեռ 1,5 ամիս առաջ ավագանին դատախազությունից ստացել էր առաջարկներ, որոնք վերաբերում են Գյումրու քաղաքապետների 24 որոշում անվավեր ճանաչելու հարցին:
Գյումրի-Վանաձոր ճանապարհին տեղի ունեցած ողբերգական ավտովթարի դեպքի առթիվ քրեական վարույթ է նախաձեռնվել: Այս մասին իր ֆեյսբուքյան էջում գրել է Քննչական կոմիտեի նախագահի մամուլի քարտուղար Գոռ Աբրահամյանը։
Հուլիսի 26-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց ՀՀ-ում Իրաքի Հանրապետության դեսպանության գործերի նորանշանակ ժամանակավոր հավատարմատար դոկտոր Ալի Աբդուլկարեմ Ութավիին։
«Սրբազան պայքար»-ի առաջնորդ Բագրատ արքեպիսկոպոս Գալստանյանն այս շաբաթ և կիրակի օրերը կանցկացնի Վայոց ձորի մարզում:
Ռուսաստանի ԱԴԾ-ն կոռուպցիոն գործով ձերբակալել է պաշտպանության նախկին փոխնախարար, գեներալ Դմիտրի Բուլգակովին, ՏԱՍՍ-ին հայտնել են գերատեսչությունում։
Հայաստանի սահմանամերձ գյուղերում բնակարանային ապահովման պետական աջակցության ծրագրի շրջանակում առկա մեծ դիմելիության պատճառով ծրագիրը ժամանակավորապես դադարեցվել է։ Տեղեկությունը հայտնում է ՀՀ աշխատանքի և սոցիական հարցերի նախարարությունը։
Հայ ըմբիշ Արթուր Ալեքսանյանը Փարիզի Օլիմպիական խաղերում մայրցամաքները ներկայացնող կոլաժում ներկայացվել է որպես Եվրոպայի դեմք:
