Հայաստանն ու Իրանը քննարկում են Արաքսի վրայով երկրորդ կամրջի կառուցման տեխնիկական հարցերը, Sputnik Արմենիայի հարցմանն ի պատասխան հայտնեցին ՀՀ տարածքային կառավարման և ենթակառուցվածքների նախարարության մամուլի ծառայությունից։

Կառավարությունները, որոնք մասնակցում են ՄԱԿ-ի Կլիմայի փոփոխության 29-րդ ամենամյա համաժողովին (COP29) պետք է կատարեն մարդու իրավունքների պաշտպանության ոլորտում իրենց ստանձնած պարտավորությունները, հայտարարել է Human Rights Watch միջազգային իրավապաշտպան կազմակերպությունը:

Լիբանանում Իրանի դեսպանատունը դատապարտել է ուրբաթ Բեյրութի հարավային արվարձանում տեղակայված «Հըզբոլլահի» խիտ բնակեցված հենակետի վրա Իսրայելի մի շարք ինտենսիվ հարվածները՝ նախազգուշացնելով Մերձավոր Արևելքում «վտանգավոր էսկալացիայի» մասին, հաղորդում է Arab News-ը:

Գործարար և բարերար, «Ավրորա» մարդասիրական կազմակերպության համահիմնադիր Նուբար Աֆեյանն Ադրբեջանի ղեկավարությանը կոչ է անում Բաքվի բանտից ազատ արձակել բարերար, Արցախի նախկին պետնախարար Ռուբեն Վարդանյանին և բոլոր հայ գերիներին։ Այս մասին Աֆեյանը գրել է X–ի իր միկրոբլոգում։

2024 թվականի առաջին կիսամյակում ԵԱՏՄ համախառն ներքին արդյունքի ծավալն աճել է 4,6%-ով՝ 2023 թվականի հունվար-հունիս ամիսների մակարդակի համեմատ։ Դրա մասին հայտնում է Եվրասիական տնտեսական հանձնաժողովը։

ՀՀ ՆԳՆ Միգրացիայի և քաղաքացիության ծառայությունը ՀՀ քաղաքացիություն ստանալու վերաբերյալ որևէ արցախցու դիմում չի մերժել։ Այս մասին Ծաղկաձորում ընթացող քննարկման ժամանակ ասել է ՀՀ ՆԳՆ Միգրացիայի և քաղաքացիության ծառայության պետի տեղակալ Նելլի Դավթյանը` անդրադառնալով հարցին, որ շատ արցախցիներ գերադասում են մնալ փախստականի կարգավիճակում և ՀՀ քաղաքացիություն չստանալ, քանի որ որոշ մտավախություններ ունեն։

2023 թվականի վերջի դրությամբ ԵԱՏՄ անդամ երկրների բանկերում ավանդների ընդհանուր ծավալը հասել է գրեթե 658 միլիարդ դոլարի, հայտնում է nur.rz-ն։ Դա 2022 թվականի վերջում գրանցված գումարից 4,5%-ով ավելի է։

Սրբազան պայքարի՝ հոկտեմբերի 2-ին մեկնարկող «Հաղթանակի և Հույսի» փուլին ընդառաջ, Շարժման առաջնորդ Բագրատ արքեպիսկոպոս Գալստանյանը մեկնել է Հայաստանի վանքերից մեկը եռօրյա առանձնության, աղոթքի, պահեցողության և ծոմապահության։

Երկկողմ հանդիպումների շարքում, որոնք Էրդողանը անցկացրել է Նյու Յորքում ՄԱԿ-ի Գլխավոր ասամբլեայի առիթով, թերևս, ամենակարևորը Հայաստանի վարչապետ Փաշինյանի հետ հանդիպումն էր։ Դրա մասին սոցիալական ցանցերում գրել է Թուրքիայի խորհրդարանի նախկին պատգամավոր Ահմեդ Էրոզանը։