Այս պահին մի քանի տասնյակ կանայք հավաքվել են Հայաստանում ԵՄ պատվիրակության դիմաց և խաղաղ ակցիա են իրականացնում ի աջակցություն Արցախի կանանց և աղջիկների։ Նշենք, որ արցախցի կանայք օրեր առաջ բաց նամակ էին հղել Եվրամիության հանձնաժողովի նախագահ Ուրսուլա ֆոն դեր Լայենին և պահանջել, որ նա իր գործողություններով նպաստի Արցախի ապաշրջափակմանը։  

Հայաստանը կործանելու կոչերով հակահայկական թռուցիկների տարածումը կարելի է դիտարկել միայն որպես հայատյացության միտումնավոր և հետևողական մոդել, հայտարարել է Ամերիկայի Հայ դատի հանձնախմբի (ANCA) Արևելյան տարածաշրջանի համակարգող Էդվարդ Բարսումյանը Fox 11 Los Angeles-ին՝ մեկնաբանելով հակահայկական թռուցիկների հայտնվելը Լոս Անջելեսում՝ «աշխարհում հայկական սփյուռքի ամենամեծ բնակչությամբ քաղաքում»:

Իսրայելի վարչապետ Բենիամին Նեթանյահուն CNN-ի հարցազրույցում ասել է, որ հնարավոր է համարում ռազմական ուժի կիրառումն Իրանի դեմ, եթե այդ երկրի զսպման քաղաքականությունը հաջողության չհանգեցնի։

Փետրվարի 1-ից ընտանեկան/սոցիալական նպաստների վճարման, անձի ֆունկցիոնալության գնահատման և «Հայփոստից» կենսաթոշակի անկանխիկ վճարման գործընթացներում փոփոխություններ են իրականացվում։ Այս մասին NEWS.am-ը տեղեկանում է ՀՀ աշխատանքի և սոցիալական հարցերի նախարարությունից:

Իրանը օգնեց կանխել Ադրբեջանի ավելի լայնածավալ ագրեսիան Հայաստանի դեմ 2022 թվականի սեպտեմբերին։ Այս մասին Al-Monitor պարբերականի հետ հարցազրույցում ասել է ՀՀ փոխարտգործնախարար Վահան Կոստանյանը։

Ադրբեջանում շարունակվում է «իրանցի լրտեսների» որսը։

Մինչդատական քրեական վարույթի օրինականության նկատմամբ հսկողություն իրականացնող դատախազի կողմից 2023 թվականի փետրվարի 1-ին որոշում է կայացվել ՀՀ ՊՆ N զորամասի ինժեներական ծառայության սպա, կապիտան Ե.Հ.-ի նկատմամբ հարուցել հանրային քրեական հետապնդում՝ ՀՀ քրեական օրենսգրքի 532-րդ հոդվածի 4-րդ մասով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ): Այս մասին NEWS.am-ը տեղեկանում է դատախազությունից:

ՀՀ ԱԺ «Հայաստան» խմբակցության պատգամավոր Գեղամ Մանուկյանը դիմել է ՊՆ, սակայն նրան չեն թույլատրել որպես պատգամավոր այցելել կենտրոնական հավաքակայան։ Այս մասին այսօր՝ փետրվարի 1-ին, ընդդիմադիր պատգամավորը հայտնեց ԱԺ պաշտպանության և անվտանգության հարցերով նիստի ժամանակ։

Բրովարիում կործանված ուղղաթիռի գործով խուզարկություն է իրականացվում Ուկրաինայի նախկին ՆԳՆ ղեկավար Արսեն Ավակովի մոտ։ Այս մասին, ուկրաինական ԶԼՄ–ների փոխանցմամբ, հայտնել է ինքը` Ավակովը։