Շատ պարզ բան է կատարվում։ Իշխող խմբակը թեքում է աշխարհաքաղաքական վեկտորը դեպի Արևմուտք` Թուրքիա և խոստացել է կառուցել Միջին Միջանցքն, այսինքն Զանգեզուրի Միջանցքն, ըստ ադրբեջանական անվանման։ Այս մասին իր էջում գրել է քաղաքագետ Ստեփան Դանիելյանը։ Նա մանրամասնում է.

Ռուսաստանի Դաշնության պետական սահմանի բոլոր անցակետերում 2025 թ. հունիսի 30-ից մինչև 2026 թ. հունիսի 30-ն ընկած ժամանակահատվածում կներդրվի մուտքի և ելքի փորձնական կարգ՝ օտարերկրյա քաղաքացիների և քաղաքացիություն չունեցող անձանց համար։ «Արմենպրես»-ի փոխանցմամբ՝ այս մասին հայտնում են Հայաստանում Ռուսաստանի դեսպանությունից:

«Գեղարդ» հիմնադրամը դիմում-բողոք է ներկայացրել Ռուսաստանի Գիտությունների ակադեմիայի նախագահություն, Բարձրագույն ատեստավորման հանձնաժողովի (ԲԱԿ) պատմության փորձագիտական խորհուրդ, «Web of Science» վարչակազմ՝ «Вопросы истории» ամսագրի կողմից ակադեմիական և գիտաէթիկական չափորոշիչների խախտումների կապակցությամբ։

Եթե «Հայաստանի էլեկտրական ցանցեր» ընկերությունը պետականացվի հանրային գերակա շահ ճանաչելու ճանապարհով, ի հայտ կգան լրջագույն խնդիրներ, և պետության վրա կմնա միլիարդավոր դոլարներ ՀԷՑ–ին փոխհատուցելու պարտավորություն։ Այս մասին Sputnik Արմենիայի հետ զրույցում ասաց «Իրավական կրթություն և վերահսկողություն» ՀԿ–ի իրավաբան Ռոբերտ Հայրապետյանը։

Ադրբեջանը կդադարեցնի Կարմիր խաչի միջազգային կոմիտեի (ԿԽՄԿ) ներկայացուցչության գործունեությունը Ադրբեջանում, որի մասին դեռևս հունիսի 17-ին հայտարարել էր «Ռազմագերիների, պատանդների և անհետ կորածների հարցերով պետական հանձնաժողով»-ը (State Commission on Prisoners of War, Hostages and Missing Persons): ԼՂ փախստականների իրավապաշտպան միությունից ահազանգում են, որ գրասենյակի փակումը կարող է լրջորեն սահմանափակել Ադրբեջանում պահվող հայ ռազմագերիների իրավունքների պաշտպանության պայմանների վերահսկումը, խաթարել կալանավորների հետ հաղորդակցման ուղիները և մեծացնել գերիների հանդեպ հոգեբանական ու ֆիզիկական խոշտանգումների վտանգը:

ՀՀ վարչապետ Նիկոլ Փաշինյանը փորձում է երկրի տնտեսական վիճակից բոլոր դժգոհներին հանել գործարար Սամվել Կարապետյանի դեմ։ РИА Новости-ին տված հարցազրույցում հայտարարել է Պետդումայի ԱՊՀ հարցերով կոմիտեի առաջին փոխնախագահ Կոնստանտին Զատուլինը։

Չնայած Իրանի միջուկային օբյեկտներին իսրայելաաամերիկյան հրթիռակոծության հասցրած վնասներին, ներկա պահին փոքր է հավանականությունը, որ հնարավոր ռադիոակտիվ ճառագայթումը կհասնի Հայաստան։ Sputnik Արմենիայի հետ զրույցում նման տեսակետ հայտնեց ՄԱԿ-ում էներգետիկայի գծով Հայաստանի ազգային փորձագետ Արա Մարջանյանը։

Իրադարձությունները շատ արագ են զարգանում, և շատ պետություններ փորձում են հնարավորինս զգուշավոր լինել իրենց գնահատականներում, հնարավորինս բալանսավորված լինեն, հասկանալու համար, թե քամիները ուր են փչում, բացի այն պետություններից, որոնք ուղղակիորեն կամ անուղղակիորեն ներքաշված են այս գործընթացում։ Այս մասին լրագրողների հետ զրույցում նշեց միջազգայնագետ Սուրեն Սարգսյանը՝ անդրադառնալով Իրան–Իսրայել հակամարտությանը։  

«Ռուսական ՖՍԲ-ն՝ Անվտանգության դաշնային ծառայությունը տարածել է տեղեկություն, որ բացահայտվել է Ալրոսա ռուսական ընկերությունից ալմազների գողություն, որ իրականացվել է Հայաստան տեղափոխելու նպատակով: ՖՍԲ հայտարարության մեջ նշվում է, որ գողացված ալմազները Հայաստանում մատակարարվել են մի ընկերություն, որի շահառուներից է ԱԺ ՔՊ խմբակցության պատգամավոր Խաչատուր Սուքիասյանը: Գրեթե կասկած չկա, որ բացահայտման «հիմքում» քաղաքականություն է: Համենայն դեպս, ՖՍԲ հաղորդագրությունից հասկանալի է, որ խոսքը ինչ որ տևական պրոցեսի մասին է: Ըստ երևույթին, բացահայտումը տեղի է ունեցել այն ժամանակ, երբ առաջացել է դրա անհրաժեշտությունը, և ըստ ամենայնի՝ քաղաքական անհրաժեշտությունը»,-գրում է քաղաքական վերլուծաբան Հակոբ Բադալյանն ու շարունակում.