«Ուժեղ Հայաստան» կուսակցության առաջնորդ և «Տաշիր» ընկերությունների խմբի ղեկավար Սամվել Կարապետյանի կողմից այլ երկրների քաղաքացիությունից հրաժարվելու գործընթացն արդեն սկսվել է և ընթացքի մեջ է: Այս մասին ապրիլի 7-ին Ազգային ժողովի շենքի դիմաց բողոքի ակցիայի ժամանակ լրագրողների հետ հարցազրույցում հայտարարել է «Ուժեղ Հայաստան» կուսակցության խորհրդի անդամ Ալիկ Ալեքսանյանը:
Նրա խոսքով՝ Ռուսաստանի քաղաքացիությունից բացի, Սամվել Կարապետյանն ունի նաև Հայաստանի և «եվրոպական» քաղաքացիություն: Ալեքսանյանը չի մանրամասնել, թե կոնկրետ որ երկրի քաղաքացի է։
Այնուամենայնիվ, ինչպես նշել է «Ուժեղ Հայաստան» կուսակցության անդամը, քաղաքացիները երկու ամսից կկարողանան իրենց աչքով տեսնել, որ Սամվել Կարապետյանը կունենա միայն մեկ անձնագիր, որը կհաստատի իր քաղաքացիությունը: Եվ այդ անձնագիրը կլինի հայկական:
News.am
