Ադրբեջանը հանել է Հայաստանով բեռների տարանցման բոլոր սահմանափակումները։ Այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Ադրբեջան-Ղազախստան Բարձրագույն միջպետական խորհրդի երկրորդ նիստում, հայտնում են ադրբեջանական լրատվամիջոցները։
«Պետք է նաև նշեմ, որ Ադրբեջանը վերացրել է դեպի Հայաստան բեռների տարանցման բոլոր սահմանափակումները, որոնք գոյություն ունեին օկուպացիայից ի վեր և առաջին նման տարանցիկ բեռը ղազախական հացահատիկի առաքումն էր դեպի Հայաստան: Կարծում եմ՝ սա նաև լավ ցուցանիշ է, որ Ադրբեջանի և Հայաստանի միջև խաղաղությունը այլևս միայն թղթի վրա չէ, այլ նաև գործնականում», – հայտարարել է Ալիևը:
News.am
