Հայաստանի Ազգային անվտանգության ծառայության (ԱԱԾ) տնօրեն Անդրանիկ Սիմոնյանի՝ սեպտեմբերի 19-ից 21-ը Բաքու կատարած այցը, որի նպատակը անվտանգության թեմայով ֆորումին մասնակցությունն էր, մեծ հետաքրքրություն առաջացրեց հանրության շրջանում։ Սակայն, Անվտանգության խորհրդի քարտուղար Արմեն Գրիգորյանը խուսափեց մեկնաբանություններից՝ լրագրողներին ուղղորդելով դեպի հենց ԱԱԾ-ն։
ՆԱՏՕ-ի խորհրդարանական վեհաժողովի 108-րդ «Ռոուզ-Ռոթ» սեմինարի շրջանակում լրագրողների հետ զրույցում Արմեն Գրիգորյանը, անդրադառնալով ԱԱԾ տնօրենի այցին, հայտարարեց, որ անհրաժեշտության դեպքում ԱԱԾ–ն ինքը կխոսի այդ մասին։ Նա կրկնեց նույնը, երբ իրեն հարցրին, թե արդյոք այցը արդյունավետ է եղել և արդյոք հնարավոր է եղել գերիների վերադարձի շուրջ պայմանավորվածություն ձեռք բերել։
Ինչ վերաբերում է այն հարցին, թե արդյոք ինքը նույնպես նախատեսում է այցելել Բաքու, Գրիգորյանը պատասխանեց, որ «որևէ այդպիսի քննարկում չկա»։
Հիշեցնենք, որ Անդրանիկ Սիմոնյանը սեպտեմբերի 19-ից 21-ը Բաքվում մասնակցել է անվտանգության թեմայով միջազգային ֆորումին։
Verelq.am
