Միացյալ Նահանգների ռազմածովային նավատորմը և աջակցող ռազմական նավերը հասել են Մերձավոր Արևելք, Reuters-ին հայտնել է ԱՄՆ երկու պաշտոնյա:
Պաշտոնյաները նշել են, որ USS Abraham Lincoln ավիակիրը և մի քանի հրթիռային կործանիչ մտել են Մերձավոր Արևելքի տարածք, որը ենթակա է ԱՄՆ ռազմական կենտրոնական հրամանատարությանը (CENTCOM)։
ԱՄՆ նախագահ Դոնալդ Թրամփը հայտարարել էր, որ Միացյալ Նահանգներն «առաջ շարժվող նավատորմ» է ուղարկում դեպի Իրան, սակայն հույս էր հայտնել, որ ստիպված չի լինի օգտագործել այն։
Ռազմական նավերն ամիսներ առաջ սկսել էին տեղակայվել Ասիա-խաղաղօվկիանոսյան տարածաշրջանից՝ Իրանի և ԱՄՆ-ի միջև լարվածության աճին զուգահեռ:
Ամերիկյան բանակը նախկինում էլ ուժեր էր կենտրոնացրել Մերձավոր Արևելքի լարվածության շրջանում, հիմնականում՝ պաշտպանական նպատակներով, նշել է պարբերականը:
Միացյալ Արաբական Էմիրություններն այսօր հայտարարել է՝ չի թույլ տա, որ իր օդային տարածքը կամ սահմանի ջրային հատվածներն օգտագործվեն Իրանի դեմ ցանկացած ռազմական գործողության համար։
Armenia Today
