ԱՄՆ-ն սկսել է Թուրքիայի Ադանա քաղաքում իր հյուպատոսության աշխատակիցների մասնակի տարհանումը՝ Մերձավոր Արևելքում հակամարտության սրման պատճառով առաջացած անվտանգության սպառնալիքների ֆոնին:
ԱՄՆ Պետդեպարտամենտի տվյալներով՝ 2026 թվականի մարտի 9-ին Ադանայում ԱՄՆ գլխավոր հյուպատոսությունում աշխատող ոչ առանցքային անձնակազմին և նրանց ընտանիքի անդամներին հրահանգվել է լքել երկիրը: Որպես պատճառ նշվել են տարածաշրջանում անվտանգության բարձրացված ռիսկերը:
Միաժամանակ, Ադանայում ԱՄՆ հյուպատոսությունը դադարեցրել է հյուպատոսական ծառայությունների մատուցումը: Ամերիկայի քաղաքացիներին խորհուրդ է տրվել դիմել Անկարայում ԱՄՆ դեսպանատուն կամ Ստամբուլում գլխավոր հյուպատոսություն։ Թուրքիայի հարավ-արևելքում գտնվող ամերիկացիներին հորդորվում է լքել տարածաշրջանը:
ԱՄՆ աշխատակիցների համար սահմանափակումները գործում են Թուրքիայի ողջ հարավարևելյան տարածքում՝ 2026 թվականի փետրվարի 28-ին ԱՄՆ-ի և Իրանի միջև ռազմական գործողությունների մեկնարկից ի վեր։
News.am
