Աբու Դաբիում անվտանգության հարցերով Ռուսաստանի, ԱՄՆ-ի և Ուկրաինայի եռակողմ աշխատանքային խմբի հանդիպման առաջին փուլերը կանցկացվեն առավելագույն փակ ռեժիմով, լրատվամիջոցների ներկայությունը նախատեսված չէ։ Դրա մասին ТАСС-ին հայտնել է աղբյուրը։
«Բանակցությունների վայրը չի հայտարարվել, և լրատվամիջոցների ներկայություն նախատեսված չէ,- ասել է աղբյուրը։ -Համենայն դեպս այսօր երեկոյան նման ռեժիմ է սահմանված»։
Ըստ ТАСС-ի թղթակցի ՝ տեղական ժամանակով 20:15-ի դրությամբ Աբու Դաբիի խոշոր հյուրանոցների և նախագահական պալատի մոտ իրավիճակը հանգիստ է, և պարեկային ծառայությունը չի ավելացվել։ Հարցված հյուրանոցներից ոչ մեկը չի լսել պատվիրակությունների միջև հնարավոր հանդիպման մասին։
Անվտանգության հարցերով Ռուսաստանի, ԱՄՆ-ի և Ուկրաինայի եռակողմ աշխատանքային խմբի առաջին հանդիպումը տեղի է ունենում հունվարի 23-ին Աբու Դաբիում։ Ռուսական բանակցային խումբը գլխավորում է Զինված ուժերի գլխավոր շտաբի գլխավոր վարչության պետ Իգոր Կոստյուկովը։ Եռակողմ աշխատանքային խմբի ուկրաինական մասը գլխավորում է Ազգային անվտանգության և պաշտպանության խորհրդի քարտուղար Ռուստեմ Ումերովը։
News.am
