Արագածոտնի թեմի առաջնորդարանի 60–ամյա հաշվապահ Նաիրա Ալավերդյանի խափանման միջոցը տնային կալանքն է։ Երևանի քաղաքի առաջին ատյանի ընդհանուր իրավասության դատարանի դատավոր Մանվել Շահվերդյանը մեղադրող կողմի միջնորդությունը բավարարեց մասնակի և խափանման այլընտրանքային միջոց որոշեց. Նաիրա Ալավերդյանը դատարանի դահլիճից ազատ արձակվեց։
«Եթե իրավաբանությունը չհաղթեց, ապա ողջամտությունը հաղթեց»,– դատարանի բակում ասաց փաստաբան Մարինե Ֆարմանյանը` հավելելով, որ հետագայում կբողոքարկեն նաև խափանման այս որոշումը։
Sputnik Արմենիա
