Ն.Ս.Օ.Տ.Տ. Արամ Ա կաթողիկոսը մասնակցել է Աստանայում գումարված միջազգային միջկրոնական համագումարին։ Մեծի Տանն Կիլիկիո կաթողիկոսության մամուլի ծառայությունը այդ մասին հաղորդագրություն է տարածել, որում նշված է․
«Հրաւէրով Ղազախիստանի պետութեան, Ն.Ս.Օ.Տ.Տ. Արամ Ա. Վեհափառ Հայրապետը մասնակցեցաւ Ղազախիստանի մայրաքաղաք Ասթանայի մէջ գումարուող միջ-կրօնական միջազգային գագաթնաժողովին, Չորեքշաբթի, 17 Սեպտեմբեր 2025-ին: Գագաթնաժողովին իրենց մասնակցութիւնը բերին աշխարհի գրեթէ բոլոր կրօններու հոգևոր պետերը, այսպէս՝ քրիստոնէութեան, իսլամութեան, հրէութեան, պահայի, հինտուականութեան, պուտտայականութեան, շինթոյականութեան և այլ տեղական-աւանդական կրօններու պետերը: Անոնց առընթեր նաև ներկայ էին միջազգային կրօնական կազմակերպութիւններու, միջ-կրօնական երկխօսութեան կառոյցներու և Միացեալ Ազգերու Կազմակերպութեան պաշտօնական ներկայացուցիչները: Յայտնենք, որ հոգևոր պետերու գագաթնաժողովէն առաջ և անոր առընթեր, միջ-կրօնական բնոյթ ունեցող մասնագիտական նիւթերու սեմինարներ ու հաւաքներ կազմակերպուեցան:
Ինչ կը վերաբերի քրիստոնէական ներկայութեան, հոգևոր պետի մակարդակի վրայ ներկայ էին ռուս ուղղափառ եկեղեցւոյ Քիրիլ Պատրիարքը, Երուսաղէմի յոյն ուղղափառ եկեղեցւոյ Թէոֆիլոս Գ. Պատրիարքը, հայ եկեղեցւոյ Արամ Ա. Վեհափառ Հայրապետը և Լևոն ԺԴ. Պապի անձնական ներկայացուցիչը: Արամ Ա. Կաթողիկոսին կողքին գագաթնաժողովին ներկայ գտնուեցաւ Արաբական Միացեալ Էմիրութիւններու, Քաթարի և Շրջակայից Հայոց Թեմի առաջնորդ Գերաշնորհ Տ. Մեսրոպ Արք. Սարգիսեան:
Հոգևոր պետերու գագաթնաժողովին մասնակցեցան աւելի քան 100 ներկայացուցիչներ: Ղազախիստանի նախագահին և հոգևոր պետերու խօսքերուն մէջ յատուկ կերպով շեշտուեցաւ միջ-կրօնական յարաբերութիւնն ու գործակցութիւնը շարունակելու հրամայականը, մասնաւորաբար ահաւոր տագնապներով լեցուն ներկայ աշխարհին մէջ:
Նշենք, որ գագաթնաժողովի բացման նիստին խօսք արտասանեց նաև Վեհափառ Հայրապետը։
Նոյն օրը, ի պատիւ ժողովականներուն, Ղազախիստանի նախագահ Քասիմ Թոքայէվ պաշտօնական ճաշկերոյթ սարքեց»։
Aysor.am
