ՀՀ նախկին ՄԻՊ Արման Թաթոյանը հայտնել է, որ Ադրբեջանում մարդկանց արդեն պատրաստում են Հայաստանում բնակության՝ պաշտոնապես հայտարարել են, որ արդեն ավարտել են Հայաստան բնակության գալու համար 100.000-ից ավելի, այսպես կոչված, «արևմտյան ադրբեջանցիների» գրանցումը։
Նա նշել է, որ սա նշանակում է, որ ադրբեջանական իշխանությունը նույն կերպ շարունակում է առաջ տանել «Արևմտյան Ադրբեջան» ծրագիրը, որի անվան տակ «ենթադրվում է Հայաստանի Հանրապետության ամբողջ տարածքը»։
«Այս ծրագրի վերջնական նպատակն է Հայաստանում ժողովրդագրական պատկերի կտրուկ փոփոխությունը և Հայաստանի ամբողջական զավթմանը հասնելը»,- գրել է նա։
Թաթոյանի խոսքով՝ սա հերթական ապացույցն է, որ ադրբեջանական իշխանությունը «նպատակ չունի դադարեցնել Հայաստանը զավթելու քաղաքականությունը, և դա կշարունակվի այնքան ժամանակ, քանի դեռ ՀՀ-ում կա իշխանություն, որը քաղաքական իշխանության մնալը պետակակ շահերից վեր է դասում, քանի դեռ Հայաստանում հաստատված է անձնիշխանություն և կուսակցապետություն»։
