Եվրասիական տնտեսական միության (ԵԱՏՄ) անդամ երկրները համաձայնել են առնվազն երկու տարով պահպանել առցանց հարթակների միջոցով ֆիզիկական անձանց կողմից գնված ապրանքների անմաքս ներմուծման շեմը 200 եվրոյի սահմաններում։
«Առայժմ կպահպանվի 200 եվրոն, երկու տարի անց այն կվերանայենք»,– լրագրողներին ասել է Եվրասիական տնտեսական հանձնաժողովի (ԵՏՀ) առևտրի գծով նախարար Անդրեյ Սլեպնյովը։
Միևնույն ժամանակ, այս շեմը գերազանցելու դեպքում ԵԱՏՄ նման ապրանքների ներմուծման մաքսատուրքը ներկայիս 15%-ի փոխարեն կնվազի մինչև 5%։
Այս որոշումը, ինչպես բացատրել է Սլեպնյովը, պայմանավորված է նրանով, որ հաջորդ տարվա կեսերից սկսած ԵԱՏՄ երկրները մտադիր են անցնել էլեկտրոնային առևտրի դեպքում ԱԱՀ-ի գանձման նոր համակարգի՝ ազգային մակարդակով։ Համապատասխան փոփոխություններ են կատարվում Միության մաքսային օրենսգրքում։ Այսպիսով, վճարման մի մասը ԱԱՀ-ի կանցնի։
Նա նշել է, որ երկրները, հավանաբար, այս մեխանիզմին կանցնեն հաջորդ տարվա կեսերին։
Եվրասիական տնտեսական հանձնաժողովի առևտրի գծով նախարարի խոսքով՝ հարկման և տուրքերի գանձման նոր համակարգը մոտավորապես կհամապատասխանի ներկայումս գանձվող վճարումների ծավալին։ Հետագայում ԵԱՏՄ երկրները մտադիր են վերադառնալ անմաքս շեմի իջեցման հարցին։
Sputnik Արմենիա
