Իշխանություններին աջակցած եպիսկոպոսներից մի քանիսը ցանկանում է վերադառնալ Մայր Աթոռ, գրել է «Հրապարակ» օրաթերթը:
Թերթի տեղեկություններով՝ նրանց մեծ մասը զղջացել է և գիտակցել, որ ճակատագրական սխալ է թույլ տվել: Նրանց թվում պարբերականը նշել է Արցախի թեմի առաջնորդ Վրթանես եպիսկոպոս Աբրահամյանին:
Վարչապետ Նիկոլ Փաշինյանին միանալուց հետո նա հրապարակային քննադատության ու ճնշումների ներքո է հայտնվել, անգամ դիմել է որոշ արցախցիների և նույնիսկ Դադիվանքի վանահայր Տեր Հովհաննես քահանա Հովհաննիսյանին` խնդրելով բարեխոսել իր համար, համոզել արցախցիներին, որ ինքը դավաճան չէ, գրում է թերթը:
Պարբերականի աղբյուրի համաձայն՝ Տեր Հովհաննեսը, ով ժամանակին Տեր Վրթանեսի ղեկավարն էր, մերժել է նրան՝ նշելով, որ իր արարքն աններելի է, և չի կարող որևէ կերպ աջակցել:
Մի խումբ բարձրաստիճան հոգևորականներ 2025 թվականի հուլիս-օգոստոս ամիսներին հրապարակային հայտարարություններով հանդես էին եկել Մայր Աթոռի դիրքորոշման դեմ՝ փաստացի սատարելով իշխանությունների քաղաքականությանը եկեղեցու նկատմամբ: «Տիրադավներ» անվանումն ստացած այս խմբի մեջ էին ընդգրկված, ի թիվս այլոց, Արցախի թեմի առաջնորդ, Գուգարաց թեմի առաջնորդ Հովնան եպիսկոպոս Հակոբյանը և ուրիշներ: Նրանք հայտարարել էին, որ Ամենայն Հայոց կաթողիկոս Գարեգին Բ-ն պետք է «հանգստի կոչվի»: Մայր Աթոռը նրանց գործողությունները որակել էր որպես «եկեղեցական կարգապահության կոպիտ խախտում» և հորդորել «վերադառնալ կանոնական դաշտ»:
Armenia Today
