Քահանաների գործը լակմուսի թուղթ է։ Այն թույլ է տալիս հասկանալ՝ մեր երկրում կա՞ն արդյոք քաղբանտարկյալներ, թե ոչ։ Այդ մասին սեպտեմբերի 10-ին Ազգային ժողովի նիստում՝ Վճռաբեկ դատարանի քրեական պալատի դատավորի ընտրության հարցի քննարկման ժամանակ, հայտարարել է «Հայաստան» խմբակցության պատգամավոր Աննա Գրիգորյանը։
Նա մանրամասն անդրադարձավ արքեպիսկոպոս Բագրատ Գալստանյանի գործին՝ կետ առ կետ հերքելով իշխող «Քաղաքացիական պայմանագիր» խմբակցության անդամ և ԱԺ-ի փոխխոսնակ Ռուբեն Ռուբինյանի ավելի վաղ արած հայտարարությունները։
«Քննչական կոմիտեն այս հաղորդագրությունը տարածել է նաև անգլերեն լեզվով։ Ե՞րբ են տեղի ունենում այս ձերբակալությունները։ Դրանք տեղի են ունենում այն ժամանակ, երբ բանակցություններ են ընթանում Ադրբեջանի և Թուրքիայի հետ։ Միաժամանակ, Վաշինգտոնում ստորագրված համաձայնագրում կա հստակ կետ, որ մենք պետք է պայքարենք «ռևանշիզմի» դեմ։ Այլ կերպ ասած՝ յուրաքանչյուր ոք, ով խոսում է Լեռնային Ղարաբաղի, մեր ազգային արժեքների մասին, Փաշինյանի և Ալիևի կարծիքով, պետք է հայտարարվի ռևանշիստ։ Այս դեպքում՝ ըստ էության՝ ահաբեկիչ։ Այս մարդիկ, նրանց կարծիքով, պետք է բանտ նետվեն», – ասել է Գրիգորյանը։
News.am
