Իրանի Իսլամական հեղափոխության պահապանների կորպուսը փետրվարի 1-ին և 2-ին Հորմուզի նեղուցում կանցկացնի մարտական կրակով զորավարժություններ, հայտնում է Reuters-ը՝ հղում անելով իրանական լրատվամիջոցներին։
Գործակալությունը նաև հայտնել է, որ ԱՄՆ ռազմածովային ուժերը Մերձավոր Արևելք են ուղարկել ևս մեկ ռազմանավ՝ USS Delbert D. Black ականակիրը։ Հրատարակության աղբյուրի խոսքով՝ ականակիրը տարածաշրջան է հասել վերջին 48 ժամվա ընթացքում։
Սա ԱՄՆ ռազմածովային ուժերի ներկայությունը տարածաշրջանում հասցնում է վեց ականակրի, մեկ ավիակրի և երեք ափամերձ մարտական նավի։
Հունվարի 26-ին հայտնի էր դարձել, որ ԱՄՆ ռազմածովային ուժերի USS Abraham Lincoln ավիակիրը և օժանդակ նավերը հասել են Մերձավոր Արևելք։ ԱՄՆ նախագահ Դոնալդ Թրամփը հայտարարել էր, որ «հսկայական նավատորմ է շարժվում դեպի Իրան»։ Նրա խոսքով, ինչպես Վենեսուելայի դեպքում, այն պատրաստ է «արագ կատարել իր առաքելությունը՝ անհրաժեշտության դեպքում՝ ուժ և բռնություն կիրառելով»։
Armenia Today
