ԱՄՆ նախագահ Դոնալդ Թրամփը հայտարարել է, որ պաղեստինյան ՀԱՄԱՍ շարժումը պետք է համաձայնի ԱՄՆ-ի կողմից առաջարկված համաձայնագրի պայմաններին մինչև հոկտեմբերի 5-ի ժամը 18:00-ն։
«Բոլոր երկրներն ստորագրել են համաձայնագիրը։ Եթե այս վերջին հնարավորությունը չօգտագործվի, ՀԱՄԱՍ-ին կսպասի դժոխք, որը ոչ ոք մինչ այժմ չի տեսել»,- գրել է նա Truth Social-ում։
Սպիտակ տունը սեպտեմբերի 29-ին հրապարակել էր Գազայի հատվածում հակամարտությունը լուծելու ծրագիր։ Այն կոչ էր անում 72 ժամվա ընթացքում դադարեցնել ռազմական գործողությունները և ազատ արձակել ՀԱՄԱՍ-ի կողմից պահվող պատանդներին։ Փաստաթուղթն առաջարկում էր Գազայի հատվածն անցումային ժամանակահատվածով փոխանցել արտաքին կառավարման։
Armenia Today
