ԱՄՆ նախագահ Դոնալդ Թրամփը հայտարարել է, որ Ուկրաինայի առաջնորդ Վլադիմիր Զելենսկին դեռ չի կարդացել ԱՄՆ-ի խաղաղության ծրագիրը։
Մամուլի ասուլիսի ժամանակ Թրամփին հարցրել են, թե որն է լինելու նրա հաջորդ քայլը Ուկրաինայի և Ռուսաստանի հետ բանակցություններում անցյալ շաբաթ տեղի ունեցած խորհրդակցություններից հետո։ ԱՄՆ առաջնորդը պատասխանել է. «Մենք խոսել ենք նախագահ Պուտինի հետ, խոսել ենք ուկրաինացի առաջնորդների հետ, այդ թվում՝ նախագահ Զելենսկու։ Եվ պետք է ասեմ, որ մի փոքր հիասթափված եմ, որ նախագահ Զելենսկին դեռ չի կարդացել առաջարկը։ Դա մի քանի ժամ առաջ էր», – հայտարարել է ԱՄՆ նախագահը։
Նա նաև հավելել է, որ Ռուսաստանը կցանկանար ամբողջ Ուկրաինան, բայց դեռևս համաձայն է խաղաղության համաձայնագրի հետ, և Ուկրաինայի նախագահի թիմը նույնպես աջակցում է փաստաթղթին։ Սակայն նա չգիտի՝ արդյոք Զելենսկին ինքը համաձայն է։
«Նրա թիմին դա դուր է գալիս։ Ռուսաստանը համաձայն է դրա հետ։ Ռուսաստանը, կարծում եմ, կցանկանար ունենալ ամբողջ երկիրը, եթե մտածեք դրա մասին»։ «Բայց Ռուսաստանը, կարծում եմ, համաձայն է դրա հետ (խաղաղության ծրագրի): Բայց ես վստահ չեմ, որ Զելենսկին համաձայն է դրա հետ: Նրա թիմը աջակցում է դրան, բայց նա չի կարդացել այն», – ասաց Թրամփը։
Սպիտակ տան ղեկավարը նաև կրկնեց, որ կարծում է, որ Ուկրաինայում պատերազմի լուծումը որոշ չափով ավելի հեշտ կլինի, բայց պարզվեց, որ այդպես չէ. «Դա շատ դժվար պատերազմ է, շատ դժվար»:
News.am
