Ժնևում մեկնարկել է ՀՀ ԱԺ նախագահ Ալեն Սիմոնյանի հանդիպումը ադրբեջանցի գործընկեր Սահիբա Գաֆարովայի հետ։ Տեղեկությունը հայտնում են ադրբեջանական լրատվամիջոցները:
Երկու երկրների խորհրդարանների ղեկավարների միջև բանակցություններն ընթանում են Միջխորհրդարանական միության 151-րդ վեհաժողովի շրջանակում:
Հիշեցնենք, որ վերջին անգամ երկու երկրների օրենսդիր մարմինների խոսնակները հանդիպել էին 2025 թվականի ապրիլին Սանկտ Պետերբուրգում։
Ավելի վաղ հայտնել էինք, որ ՀՀ ԱԺ նախագահ Ալեն Սիմոնյանը Ժնևում կհանդիպի Ադրբեջանի Միլլի մեջլիսի նախագահ Սահիբա Գաֆարովայի հետ։
«Տիկին Գաֆարովայի հետ վաղուց չէինք հանդիպել։ Կարծում եմ, որ ստեղծված իրավիճակում այս հանդիպումը շատ կարևոր է, որովհետև մեր երկու երկրների հանրությունների միջև կա վստահության վերականգնման հարց, որը պառլամենտականները թերևս ամենալավ կերպով կարող են լուծել»,- տելեգրամյան ալիքում հրապարկված տեսանյութում ասել էր Սիմոնյանը՝ հույս հայտնելով, որ հանդիպումը լավ կանցնի։
ՀՀ ԱԺ նախագահը նշել էր, որ հանդիպումը նախաձեռնվել է Միջխորհրդարանական միության գլխավոր քարտուղարի կողմից։
Հիշեցնենք, որ վերջին անգամ ՀՀ ԱԺ նախագահ Ալեն Սիմոնյանն ու Ադրբեջանի Մեջլիսի նախագահ Սահիբա Գաֆարովան հանդիպել էին այս տարվա ապրիլին Սանկտ Պետերբուրգում, որտեղ մասնակցում էին ԱՊՀ Միջխորհրդարանական վեհաժողովի 58–րդ լիագումար նիստին:
Sputnik Արմենիա
