Ժնևում գտնվող դիվանագիտական աղբյուրը РИА Новости-ին հայտնել է, որ Ուկրաինայի և Իրանի շուրջ բանակցությունները կանցկացվեն միաժամանակ Ժնևում փետրվարի 17-ին, Իրանի շուրջ բանակցությունները կանցկացվեն Օմանի միջնորդությամբ։
«Ուկրաինայի և Իրանի շուրջ բանակցությունները կանցկացվեն միաժամանակ երեքշաբթի՝ փետրվարի 17-ին, Ժնևում։ Իրանի հետ բանակցությունները կանցկացվեն Օմանի միջնորդների մասնակցությամբ»,- ասել է աղբյուրը։
Ռուսաստանի նախագահի մամուլի քարտուղար Դմիտրի Պեսկովը հաստատել է, որ Ուկրաինայում խաղաղության բանակցությունները կշարունակվեն փետրվարի 17-18-ին։ Ժնևում ռուսական պատվիրակությունը կգլխավորի նախագահի օգնական Վլադիմիր Մեդինսկին։ Երեքշաբթի Ժնևում անցկացվելիք Ուկրաինայի խաղաղության գործընթացի վերաբերյալ հանդիպմանը կմասնակցեն հատուկ ներկայացուցիչ Սթիվ Ուիթքոֆը և ԱՄՆ նախագահի փեսան՝ Ջարեդ Քուշները։
Իրանի և ԱՄՆ-ի միջև Իրանի միջուկային դոսիեի շուրջ անուղղակի բանակցություններ կանցկացվեն փետրվարի 17-ին Ժնևում, հայտնել են Իրանի արտաքին քաղաքական գերատեսչությունից։
News.am
