Ալ Ջազիրան հաղորդում է, որ այսօր առավոտյան Իսրայելի ուժերը երկրորդ անգամ ռմբակոծել են Բեքաա հովտի արևելքում գտնվող Սահմար քաղաքը։
Հարձակումները տեղի են ունեցել այն բանից հետո, երբ Իսրայելի ուժերը երկու ավիահարված են հասցրել Բեքաա հովտում գտնվող Յախմար քաղաքի վրա։
Գիշերը մի քանի իսրայելական հարվածներ են հասցվել նաև Բեյրութի կենտրոնում, ինչպես նաև Լիբանանի հարավում։
Լիբանանյան իշխանությունների տվյալներով՝ Բեյրութում զոհվել է առնվազն վեց մարդ, իսկ հարավում՝ ևս 11։
Իսրայելական ուժերը նաև ռմբակոծել են Բեյրութի կենտրոնում գտնվող մի շենք. շարունակվում են փրկվածների որոնումները։
Կեսգիշերին Իսրայելի բանակը նոր տարհանման հրաման է տվել Լիբանանի հարավում գտնվող Տյուրոս ափամերձ քաղաքից։ Նախապատերազմյան 50,000 բնակչությունից մնացած բնակիչները ստիպված են եղել հավաքել իրենց իրերը, նստել մեքենաներ և փախչել մթության մեջ։
News.am
