Տեղեկությունը, ըստ որի ԱՄՆ-ի և Իսրայելի ուժերը հարվածել են Իրանի Ղոմ նահանգում Փորձագետների խորհրդի գրասենյակային շենքին, կեղծ է, հաղորդում է Tasnim հղում անելով աղբյուրներին։
«Ըստ էության, այդ ժամանակ ոչ մի նման հանդիպում տեղի չի ունեցել, և այդ լուրերը հոգեբանական գործողություն են, որը նպատակ ունի երկրում իշխանության վակուում ստեղծել»,- իրանական լրատվամիջոցներին հայտնել է աղբյուրը։
Հիշեցնենք, որ ԱՄՆ-ն և Իսրայելը փետրվարի 28-ին ռազմական գործողություն սկսեցին Իրանի դեմ։ Հարվածներն ուղղված էին Իրանի մայրաքաղաք Թեհրանին և երկրի խոշորագույն քաղաքներին։ Հարվածներից անմիջապես հետո Իսլամական հեղափոխության պահապանների կորպուսը հայտարարեց լայնածավալ պատասխան գործողության մասին։ Ըստ տեղեկությունների՝ Իրանը հրթիռներ և անօդաչու թռչող սարքեր է արձակել Իսրայելի և Բահրեյնի, Հորդանանի, Կատարի, Քուվեյթի, ԱՄԷ-ի և Սաուդյան Արաբիայի ամերիկյան ռազմաբազաների վրա։
Իսրայելի և ԱՄՆ-ի հարձակման հետևանքով սպանվել են նաև Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։
Մարտի 2-ին «Հըզբոլլահը» ևս մտավ Իսրայելի դեմ պատերազմի մեջ։ Իսրայելը հայտարարեց շարժման դեմ հարձակման մեկնարկի մասին։
News.am
