Իրանի Իսլամական Հանրապետության բանակը հայտարարել է, որ անօդաչու թռչող սարքերով հարվածներ է հասցրել օկուպացված տարածքներում «սիոնիստական ռեժիմի» լիցքավորող ինքնաթիռներին, հաղորդում է Tasnim-ը:
Չորեքշաբթի օրը հրապարակված հայտարարության մեջ իրանական բանակը հայտնել է, որ մի շարք հարվածներ են իրականացվել «Բեն Գուրիոն» օդանավակայանում տեղակայված «սիոնիստական ռեժիմի» ռազմավարական լիցքավորող ինքնաթիռների ուղղությամբ:
Բանակը նաև խոստացել է, որ ԱՄՆ-ի և իսրայելական հակառակորդի դեմ վճռականորեն շարունակվելու են պատասխան գործողությունները․ դա որպես հատուցում է լինելու իրանցի նահատակների արյան համար:
ԱՄՆ-ն և իսրայելական վարչակարգը լայնամասշտաբ չհրահրված ռազմական արշավ են սկսել Իրանի դեմ փետրվարի 28-ին Իսլամական հեղափոխության առաջնորդ այաթոլլա Սեյեդ Ալի Խամենեիի, ինչպես նաև մի քանի բարձրաստիճան զինվորական հրամանատարների և քաղաքացիական անձանց սպանությունից հետո։
Իրանի ողջ տարածքում իրականացված հարձակումները լայնածավալ ավիահարվածներ են ներառել ռազմական և քաղաքացիական օբյեկտների ուղղությամբ, ինչը հանգեցրել է զգալի զոհերի և ենթակառուցվածքների լուրջ ավերածությունների։
Իրանի զինված ուժերը պատասխան գործողություններ են իրականացրել՝ հրթիռների և անօդաչու սարքերի ալիքների կիրառմամբ հարվածներ հասցնելով ամերիկյան և իսրայելական դիրքերին օկուպացված տարածքներում և տարածաշրջանային բազաներում։
News.am
