Իրանի կողմից Հորմուզի նեղուցի փակման պատճառով նավթի գները կարող են հասնել մեկ բարելի համար 200 դոլարի։ Դրա մասին հայտարարել է Իրանի Իսլամական հեղափոխության պահապանների կորպուսի հրամանատարի խորհրդական, գեներալ Էբրահիմ Ջաբարին, հաղորդում է ТАСС-ը։
«Մենք փակել ենք Հորմուզի նեղուցը։ Նավթի գինն այժմ գերազանցել է 80 դոլարը և շուտով կհասնի 200 դոլարի։ Միացյալ Նահանգները, որի կյանքն ու մահը կախված են նավթից, տառապում է պարտքերից և ներքին խնդիրներից։ Ամերիկան ծարավ է նավթի։ Թող նրանք իմանան, որ մենք առայժմ փակել ենք Հորմուզի նեղուցը և թույլ չենք տալիս նավերին անցնել»,- նրա խոսքերը մեջբերել է ISNA գործակալությունը։
Գեներալ Ջաբարին հավելել է, որ Իրանը կհարվածի «ցանկացած երկրի, որը կփորձի վառելիք արտահանել այստեղից. Ներկա դրությամբ Իրանն արդեն հարվածել է մի քանի նավի»։
News.am
