Մենք զեկույց ենք պատրաստել։ Մեզ, մասնավորապես, շատ են անհանգստացնում ոչ միայն մարդու իրավունքների խախտումները, այլև այն, թե ինչպես է դրանց արձագանքում իրավապաշտպան համայնքը և հատկապես օմբուդսմենի աշխատակազմը, որը պետք է լինի անկախ ինստիտուտ, սակայն վերջին տարիներին դա չի անում։ Այս մասին դեկտեմբերի 10-ին «Անպաշտպան քաղաքացին և մարդու իրավունքների պաշտպանը» թեմայով լրագրողների հետ հանդիպման ժամանակ հայտարարել է իրավապաշտպան Մարինե Մալխասյանը։
«Մեզ ոչ միայն շատ են անհանգստացնում մարդու իրավունքների խախտումները, այլ նաև այն, թե դրանց ինչպես են արձագանքում իրավապաշտպան համայնքը և հատկապես ՄԻՊ գրասենյակը, որը կոչված է լինել անկախ կառույց, սակայն վերջին տարիներին այդպիսին չէ», – ասել է Մալխասյանը։
Նա նշել է, որ զեկույցում քննարկվել է մարդու իրավունքների ոլորտին առնչվող 15 բնագավառ՝ սկսած խոսքի ազատությունից և իրավական պաշտպանության հասանելիության իրավունքից մինչև միջազգային դատարաններից Ադրբեջանի դեմ բողոքները հետ կանչելու հարցը, որը նույնպես իրավունքի ոլորտին է վերաբերում, բայց չի շոշափվել Մարդու իրավունքների պաշտպանի կողմից։ «Ի թիվս այլնի՝ հատիկ առ հատիկ փաստագրել են խոշտանգման դեպքերը, զուգահեռ մանրամասն ուսումնասիրել Մարդու իրավունքների պաշտպանի էջը, որտեղ ընդամենը ընդհանրական անդրադարձեր են եղել նման դեպքերին»,— հայտնել է իրավապաշտպանը։
Մալխասյանը նաև հավելել է, որ Մարդու իրավունքների պաշտպանի պաշտոնական էջը արգելափակել է իրեն։
News.am
