Իրանում հնարավոր զարգացումների դեպքում, որոնք կարող են բացասական ազդեցություն ունենալ Հայաստանի վրա, երկրի ֆինանսական համակարգը պատրաստ է դիմակայել դրանց։ Այս մասին այսօր տեղի ունեցած ասուլիսում հայտարարել է ՀՀ Կենտրոնական բանկի նախագահ Մարտին Գալստյանը, հաղորդում է «ԱՌԿԱ» գործակալությունը։
Նրա խոսքով՝ քննարկվում է երեք հավանական սցենար. առաջինը՝ ապոկալիպտիկ, այսինքն՝ ռազմական գործողություններ Իրանի ինքնիշխան տարածքի նկատմամբ՝ ցամաքային զորքերի ներգրավմամբ, երկրորդը՝ օդային հարվածներ, երրորդը՝ հռետորաբանական կոչեր։
«Այս բոլոր երեք սցենարները քննարկվում են, մենք պատրաստվում ենք՝ ճիշտ կառուցելով մեր համակարգի գործիքակազմը և բուֆերներ ունենալով», – ասել է նա՝ պատասխանելով «ԱՌԿԱ» գործակալության հարցին:
Նովոստի–Արմենիա
