Կրեմլի պաշտոնական ներկայացուցիչ Դմիտրի Պեսկովը լրագրողներին հաստատել է, որ Ռուսաստանի, Ուկրաինայի և ԱՄՆ պատվիրակությունների երրորդ եռակողմ հանդիպումը տեղի կունենա հաջորդ շաբաթ։
Այս մասին ավելի վաղ հայտնել էր Politico-ն՝ հղում կատարելով նախապատրաստական աշխատանքներին ծանոթ աղբյուրին։ Պարբերականի տվյալներով՝ հանդիպումը կարող է տեղի ունենալ Աբու Դաբիում, ինչպես նախորդ երկուսը, կամ Մայամիում, որտեղ ԱՄՆ պատվիրակությունը նախկինում առանձին երկկողմ հանդիպումներ է ունեցել Մոսկվայի և Կիևի ներկայացուցիչների հետ։ Ուկրաինայի նախագահ Վլադիմիր Զելենսկին նույնպես խոսել է ԱՄՆ-ում հնարավոր հանդիպման մասին։
Պեսկովը չի նշել հանդիպման ճշգրիտ ամսաթիվը կամ վայրը։
News.am
