2026 թվականին Հայկական ատոմակայանի 2-րդ բլոկի շահագործման ժամկետի երկարաձգման համար նախատեսված է 20,1 միլիարդ դրամ հատկացնել։ Դրա մասին հոկտեմբերի 28-ին 2026 թվականի պետական բյուջեի նախագծի քննարկման ժամանակ խորհրդարանական մշտական հանձնաժողովների համատեղ նիստում հայտարարել է տարածքային կառավարման և ենթակառուցվածքների նախարար Դավիթ Խուդաթյանը։
«ՀԱԷԿ-ի 2-րդ բլոկի արդիականացման և նախագծային շահագործման ժամկետի երկարաձգման աշխատանքները կշարունակվեն ամբողջ 2026 թվականի ընթացքում՝ ապահովելով դրա շահագործումը նախ մինչև 2026 թվականը, ապա մինչև 2036 թվականը»,- նշել է Խուդաթյանը։
Նախարարը հայտարարել է նաև, որ ՀԱԷԿ-ի 2-րդ բլոկի կառուցման նախապատրաստական աշխատանքները կսկսվեն 2026 թվականին։ Այդ նպատակով նախատեսված է 828 միլիոն դրամի հատկացում։
News.am
