Ես հերքում եմ ընդդիմության պնդումը, որ 2019 թվականին Լեռնային Ղարաբաղի վերաբերյալ նոր առաջարկներ են ներկայացվել և որ մենք դրանք մերժել ենք։ Այս մասին դեկտեմբերի 3-ին լրագրողների հետ զրույցում հայտարարել է իշխող «Քաղաքացիական պայմանագիր» խմբակցության անդամ և Հայաստանի Ազգային ժողովի փոխնախագահ Ռուբեն Ռուբինյանը։
«Ի՞նչ է իրենից ներկայացնում 2019 թվականի փաստաթուղթը։ Դա 2018 թվականի փաստաթղթի սեղմագիրն է։ Դա նոր առաջարկ չէ։ Հայաստանը պաշտոնապես այդ ժամանակ չի արձագանքել դրան, քանի որ դեռևս գտնվում էր փաստաթղթի գնահատման գործընթացում։
2018 թվականի փաստաթուղթը շատ քիչ է տարբերվում 2016 թվականի օգոստոսի փաստաթղթից։
2019 թվականի փաստաթուղթը Սերժ Սարգսյանի ժառանգությունն էր, և հայկական կողմը չի մերժել այն», – նշել է Ռուբինյանը։
News.am
