Կարևորագույն ռազմավարական զարգացման շրջանակում, Հայաստանն ավարտում է Հնդկաստանի հետ HAL ընկերության թողարկած Су-30МКИ բազմաֆունկցիոնալ կործանիչների ձեռքբերման շուրջ պատմական գործարքը, գրում է Indian Defence News կայքը։
Ներկա պահին բանակցությունների փուլում գտնվող համաձայնագիրը դիտվում է իբրև ռազմավարական պատասխան Ադրբեջանի կողմից վերջերս Պակիստանում արտադրված 40 միավոր JF-17C Block-III կործանիչներ գնելուն։
Այդ գործարքը խորացնում է հնդկա-հայաստանյան պաշտպանական համագործակցությունը, որը հաջորդում է վերջին տարիներին կնքված բազմաթիվ զենքի պայմանագրերին, դրանց թվում՝ Pinaka հրթիռային համակարգերին, Swathi հակամարտկոցային ռադարներին և առաջադեմ հակատանկային զինամթերքին, գրում է պորտալը։
Նշվում է, որ Su-30MKI կործանիչների ներդրումը զգալիորեն կբարձրացնի տեխնոլոգիապես արդիականացված JF-17 ինքնաթիռների նավատորմի դեմ Հայաստանի զսպման և հեռահար օդային մարտական հնարավորությունները։
Հնդկաստանի համար սա պաշտպանության արտահանման ոլորտում խոշոր առաջընթաց է, որն ընդգծում է Hindustan Aeronautics Limited-ի աճող համաշխարհային ներկայությունը։ Su-30MKI հարթակը, որը երկար ժամանակ Հնդկաստանի ռազմաօդային ուժերի հիմքն էր, հայտնի է իր AL-31FP կրկնակի շարժիչներով, առաջադեմ ռադարային համալիրով և հնդկական ու ռուսական արտադրության ռազմամթերքը ինտեգրելու հնարավորությամբ: Գործարքը, որի արժեքը, ենթադրաբար, կկազմի 2,5-3 միլիարդ դոլար, սկզբնական փուլում, հավանաբար, կներառի ութից տասներկու Su-30MKI ինքնաթիռների մատակարարում, ինչպես նաև դրանց առնչվող վարժանքներ, ցամաքային աջակցություն և սպառազինության անհատական ինտեգրում:
Մատակարարումները նախատեսվում է սկսել 2027 թվականի վերջին, իսկ վերջնական հանձնումը` 2029 թվականին, HAL-ի՝ Հնդկաստանի ռազմաօդային ուժերի համար արտադրության ներկայիս պարտավորություններին համահունչ: Այս ձեռքբերումը դարձավ 2020 թվականից ի վեր հնդկա-հայաստանյան պաշտպանական պայմանագրերի դրանց թվում՝ Pinaka բազմափողանի հրթիռային կայանքների, Swathi զենքի հայտնաբերման ռադարների և հակատանկային կառավարվող հրթիռների ձեռքբերման վերաբերյալ կնքված շարքի շարունակություն:
Այս քայլը նշանակում է, որ Երևանը շարունակում է կենտրոնանալ հնդկական պաշտպանական տեխնոլոգիաների վրա՝ շարունակվող տարածաշրջանային ռազմական գործողությունների պայմաններում Ռուսաստանից կախվածությունը հաղթահարելու համար: Су-30МКИ-ի հայկական տարբերակը, ինչպես սպասվում է, կհագեցվի հնդկական արդիականացված համակարգերով, մասնավորապես՝ Uttam AESA ռադարով, Astra MK-1 և MK-2 հեռահար հրթիռներով, ինչպես նաև DRDO ռադիոէլեկտրոնային պայքարի համալիրով: Այս կատարելագործումները չինական KLJ-7A ռադարի և JF-17C-ի վրա տեղադրված PL-15 հրթիռային համակարգերի համեմատ ինքնաթիռին իրավիճակի նկատմամբ գերազանց իրազեկվածություն և մարտական դիմացկունություն կապահովեն։
Հնդկաստանի համար այս համաձայնագիրը կդառնա իր պաշտպանական արտահանման պատմության մեջ խոշորագույներից մեկը և կամրապնդի HAL-ի հեղինակությունը որպես ժամանակակից բազմաֆունկցիոնալ կործանիչների արտադրող: Այն միաժամանակ ամրապնդում է Հնդկաստանի ռազմավարական ազդեցությունը Կովկասի տարածաշրջանում՝ դիրքավորելով Նյու Դելին իբրև հուսալի անվտանգության գործընկեր՝ Թուրքիայի, Պակիստանի և Ռուսաստանի միջև աշխարհաքաղաքական դինամիկայի փոփոխության պայմաններում։
Առաջարկվող հայկական տարբերակը, ինչպես սպասվում է, կհագեցվի հնդկական համակարգերով, մասնավորապես՝ Uttam AESA ռադարով, Astra հեռահար հրթիռներով և նոր սերնդի ռադիոէլեկտրոնային պայքարի համալիրներով։
Նման կոնֆիգուրացիան կարող է հայկական Су-30МКИ-ն ինքնաթիռի մինչ օրս ամենաառաջադեմ արտահանման տարբերակներից մեկը դարձնել:
«Ռազմավարական առումով, այս ձեռքբերումն ընդգծում է Երևանի կողմնորոշումը Նյու Դելիի ուղղությամբ՝ իբրև հիմնական պաշտպանական գործընկեր՝ Բաքվի և Անկարայի հետ շարունակվող լարվածության պայմաններում: Ինչ վերաբերում է Հնդկաստանին, այն ամրապնդում է իր կարգավիճակը որպես հուսալի զենքի մատակարար Եվրասիական տարածաշրջանում և ամրապնդում է իր աշխարհաքաղաքական դիրքը ռազմական գործողությունների թատերաբեմում, որն ավանդաբար Ռուսաստանի և Թուրքիայի ազդեցության տակ է»,- գրում է ռեսուրսը։
News.am
