Հայաստանում հիմնադրված DeepSat ընկերությունը հայտարարում է, որ ԱՄՆ Հրթիռային պաշտպանության գործակալության Scalable Homeland Innovative Enterprise Layered Defense (SHIELD) ծրագրի շրջանակում ստացել է գլխավոր պայմանագիր, որի ընդհանուր առավելագույն արժեքը կազմում է 151 միլիարդ դոլար։
SHIELD IDIQ պայմանագիրը ներառում է գործունեության լայն շրջանակ և նախատեսված է ապահովելու համար ԱՄՆ պաշտպանությունն ամրապնդող և ԱՄՆ ազգային անվտանգության նպատակներին աջակցող նորարարական, հուսալի միջոցների արագ մատակարարումը։
Որպես գլխավոր կապալառու՝ DeepSat ընկերությունը կօգտագործի իր փորձն առաջադեմ իրական ժամանակի տիեզերական համակարգերի, ուղեծրային արհեստական բանականության և ինտեգրված պաշտպանական լուծումների ոլորտում՝ Հրթիռային պաշտպանության գործակալության զարգացող գործառնական կարիքները բավարարելու համար։
«DeepSat-ի ընտրությունը որպես SHIELD IDIQ պայմանագրի գլխավոր կապալառու կարևոր ուղենիշ է։ Դա արտացոլում է մեր տեխնոլոգիայի հզորությունը, մեր առաքելության վրա հիմնված մոտեցումը և մեր հակվածությունը՝ կառուցելու ամուր, նոր սերնդի կարողություններ, որոնք կպաշտպանեն երկիրը և կաջակցեն մեր պաշտպանական ոլորտի գործընկերներին»,- նշել է ընկերության համահիմնադիր և գլխավոր տնօրեն Ներսես Օհանյանը։
News.am
