Հայաստանում Ռուսաստանի դեսպան Սերգեյ Կոպիրկինն աշխատանքային այցով եղել է Սյունիքում, դիվանագետը այցը սկսել է Ագարակի պղնձամոլիբդենային կոմբինատից։
Դեսպանատնից հայտնել են, որ տարածաշրջանի խոշորագույն ձեռնարկություններից մեկի` Ագարակի պղնձամոլիբդենային կոմբինատի գլխավոր տնօրենը` Ալեքսանդր Բելյաևը, պատվիրակությանը ծանոթացրել է կոմբինատի աշխատանքին:
Նա ներկայացրել է տեխնոլոգիական գործընթացների արդիականացման ուղղությամբ ձեռնարկվող քայլերը, որոնք ուղղված են կոմբինատի արտադրության ծավալների, շահագործման ժամկետի ավելացմանը և շրջակա միջավայրի վրա ազդեցության բարելավմանը: Ագարակի կոմբինատը տարածաշրջանի համակարգաստեղծ ձեռնարկություններից է, որը 1100 աշխատատեղ է ապահովում(Ագարակ քաղաքի ընդհանուր բնակչության մոտ մեկ երրորդը):
Դեսպանը հանդիպել է նաև ՌԴ ԱԴԾ Սահմանապահ վարչության Մեղրիի 127-րդ ջոկատի ղեկավարության հետ և ծանոթացել է հայ-իրանական սահմանի պահպանության խնդիրներին, որոնք այսօր հաջողությամբ լուծում է ստորաբաժանումը։
Sputnik Արմենիա
