ՀՀ քաղաքացիները կկարողանան Ղազախստանում մնալ առանց վիզայի։ Համապատասխան համաձայնագիր է վավերացրել Ղազախստանի խորհրդարանը։
Փաստաթղթի համաձայն՝ երկու երկրների քաղաքացիները կարող են Ղազախստանում և Հայաստանում առանց վիզայի մնալ 90 օր։ Համաձայնագիրը սահմանում է ժամկետների երկարաձգման կարգը։
90 օր անց Հայաստանի քաղաքացիները կարող են ժամանակավոր կացության թույլտվություն ձևակերպել, օրինակ՝ աշխատանքի, ուսման, բուժման և այլնի համար։ Վիզա այլևս անհրաժեշտ չի լինի։
Բացի այդ, Հայաստանի և Ղազախստանի միգրացիայի ոլորտի պետական մարմինները տեղեկատվություն կփոխանակեն իրենց տարածքներում գտնվող կողմերի քաղաքացիների, միգրացիոն օրենսդրության խախտումների և այլնի վերաբերյալ։ Ղազախստանի կողմից դա ներքին գործերի նախարարությունն ու աշխատանքի նախարարությունն են, հայկական կողմից՝ ոստիկանությունը, ներքին գործերի նախարարության Միգրացիայի և քաղաքացիության ծառայությունը։
Sputnik Արմենիա
