Սիրիայում բողոքի ակցիաներ են սկսվել Հոմսում զինված խմբավորումների կողմից իրականացված ջարդերից հետո։
Ավելի վաղ ալևիների խորհրդի ղեկավարը քաղաքացիներին կոչ էր արել դուրս գալ փողոց՝ ի աջակցություն կրոնական և էթնիկ փոքրամասնությունների: Ակցիաներ են ընթանում Տարտուսում, Ջաբլում, Ալ-Կարդահայում, Լաթաքիայում։
Տարտուսում մարդիկ վանկարկում են «Հոմս, մենք քեզ հետ ենք մինչև վերջ»։
Ջաբլա քաղաքում զինյալները ցուցարարների ուղղությամբ կրակ են բացել ցույցը ցրելու համար:
Զինված ջոկատները նոյեմբերի 23-ին Հոմսում հարձակվել են հայերի և ալևիների վրա։ Անկարգություններ են սկսվել ալևիների Ալ-Մուհաջիրին շրջանում, ապա տարածվել դեպի հայկական թաղամաս։ Սիրիայի այսպես կոչված «անվտանգության ուժերը» ժամանել են շրջան՝ իրավիճակը վերահսկողության տակ վերցնելու համար։ Որոշ տվյալներով ՝ ջարդերի առիթ է հանդիսացել սուննի ամուսնական զույգի սպանությունը։
Sputnik Արմենիա
