«Дневник иранского журналиста» Telegram-ալիքը հրապարակել է Իրանի գերագույն առաջնորդի առաջին անգամ հայտնվելու տեսանյութը:
«Գերագույն հրամանատար այաթոլա Սեյեդ Մոջթաբա Խամենեիի առաջին հայտնվելը ռազմական սենյակում (պատերազմի կառավարման սենյակ)»,- հրապարակված տեսանյութն այսպես է մեկնաբանել ալիքը:
Կադրերում երևում է, թե ինչպես է այաթոլա Խամենեին զինվորականների հետ մտնում աշխատասենյակ: Էկրանին պատկերված է ինտերակտիվ քարտեզ՝ «Դիմոնայի միջուկային ռեակտոր» մակագրությամբ:
Դիմոնայի մերձակայքում են գտնվում միջուկային ռեակտորն ու միջուկային հետազոտությունների կենտրոնը, որոնք կապում են Իսրայելի կողմից միջուկային զենքի մշակման հետ: Ավելի վաղ Իրանն արդեն հարվածներ էր հասցրել Դիմոնային՝ պատճառելով ավերածություններ:
Ավելի վաղ ամերիկացի պաշտոնյաները, ներառյալ երկրի բարձրագույն ղեկավարությունը, բազմիցս կասկածներ էին հայտնել Իրանի գերագույն առաջնորդի առողջական վիճակի և նույնիսկ ողջ լինելու վերաբերյալ:
News.am
