Ձերբակալվել են Խաչատուր Աբովյանի անվան հայկական պետական մանկավարժական համալսարանի ռեկտորը և պրոռեկտոր Մարիաննա Հարությունյանը: Այս մասին NEWS.am-ին հայտնում են հակակոռուպցիոն կոմիտեից՝ հաստատելով, որ Հակակոռուպցիոն կոմիտեի կողմից իրականացվող քրեական վարույթի շրջանակներում են ձերբակալվել ռեկտորը և պրոռեկտորը։
Ինչպես հայտնում են հակակոռուպցիոն կոմիտեից, վերջիններս մեղադրվում են համալսարանի տարբեր աշխատակիցներից կազմված հանցավոր կազմակերպություն ստեղծելու և ղեկավարելու, առանձնապես խոշոր չափերով վատնում և խարդախություն կատարելու, ինչպես նաև կաշառք ստանալու մեջ: Քրեական վարույթի շրջանակներում ձերբակալվել են նաև համալսարանի մի շարք այլ աշխատակիցներ:
