Եվրասիական տնտեսական միության մարմինները կհաստատեն եվրասիական տեխնոլոգիական հարթակների և նորարարական արտադրանքի զարգացման վերաբերյալ թարմացված դրույթը։ Շիմքենդում կայացած Եվրասիական միջկառավարական խորհրդի նիստի ժամանակ այս մասին հայտարարել է ՌԴ վարչապետ Միխայիլ Միշուստինը։
Նրա խոսքով՝ Ռուսաստանի արտահանման կենտրոնը շարունակում է աջակցել միութենական երկրների հետ համագործակցության ընդլայնմամբ հետաքրքրված ռուսական բարձր տեխնոլոգիական ընկերություններին։ Նոր դրույթը պետք է ավելի սերտ փոխգործակցություն ապահովի գիտության և բիզնեսի միջև նորարարական արտադրանքի ստեղծման գործում։
Միշուստինը նշել է, որ ԵԱՏՄ-ն ուժեղացնում է նորարարական և արդյունաբերական կոոպերացիայի ոլորտում նախագծերի աջակցությունը վարկերի տոկոսադրույքները սուբսիդավորելու հաշվին։ Այժմ այդ նպատակների համար նախատեսված է մոտ 9 մլրդ ռուբլի, բայց դա այլևս բավարար չէ։ Նմանատիպ աջակցության միջոցառումներ են ձեռնարկվում նաև ագրոարդյունաբերական նախագծերի համար։
Նա հիշեցրել է, որ չնայած արտաքին դժվար կոնյունկտուրային` 2025 թվականի տվյալներով` ԵԱՏՄ երկրների համախառն ներքին արդյունքը աճել է 1.7%-ով, ինչը գերազանցում է Եվրամիության ցուցանիշը։
Sputnik Արմենիա
