Գերմանիայի Մյունխեն քաղաքի ոստիկանությունը հայտնում է, որ «Օքթոբերֆեսթ» փառատոնի բացումը հետաձգվել է՝ քաղաքում բնակելի տանը տեղի ունեցած պայթյունի և հրդեհի հետ հնարավոր կապի պատճառով, որի հետևանքով մեկ մարդ է զոհվել, տեղեկացնում է «BBC News»-ը։
Քաղաքապետ Դիթեր Ռայթերը հայտարարել է, որ Տերեզիենվիզեն փակ կմնա մինչև չորեքշաբթի 17:00-ն (Գրինվիչի ժամանակով՝ 15:00-ն)՝ պայթյունի սպառնալիքի պատճառով։ Ներկայումս Մյունխենի հյուսիսային հատվածում գտնվող Լերխենաուում իրականացվում է լայնածավալ արտակարգ գործողություն։ Ոստիկանությունը հայտնել է, որ այն տեղի է ունեցել միայնակ ընտանիքի համար նախատեսված տանը բռնկված հրդեհի պատճառով։ Ըստ հաղորդումների՝ բնակիչները նույնպես հայտնել են, որ պայթյունի ձայն են լսել։ Ոստիկանությունը հայտարարել է, որ ուսումնասիրվում են այլ վայրերի հետ հնարավոր կապերը, ներառյալ Տերեզիենվիզեի փառատոնի անցկացման վայրը։
«Այս պատճառով փառատոնի տարածքի բացումը հետաձգվել է», – հայտնել է ոստիկանությունը: Օքթոբերֆեսթը տեղի է ունենում սեպտեմբերի 20-ից մինչև հոկտեմբերի 5-ը և արդեն ավելի քան 3,5 միլիոն այցելու է ներգրավել: Այն համարվում է աշխարհի ամենամեծ ֆոլկլորային և գարեջրի փառատոնը:
Լերխենաուում հրդեհի մանրամասները հետաքննող ոստիկանությունը հայտարարել է, որ կարծում է, որ տունը դիտավորյալ է հրդեհվել՝ կենցաղային վեճի ժամանակ:
«Գտնված տուժածը՝ մահացել է։ Եվս մեկ մարդ անհայտ կորած է, բայց ենթադրվում է, որ նա վտանգ չի ներկայացնում»,- հավելել են նրանք։ «Տուժած շինությունում նաև հայտնաբերվել են ինքնաշեն ականներ։ Դրանք վնասազերծելու համար կանչել են հատուկ նշանակության ուժեր»։
Դեպքի վայրում աշխատում են բազմաթիվ արտակարգ ծառայությունների աշխատակիցներ։
News.am
