Նավթի գները մարտի 30-ին կրկին կտրուկ բարձրացել են, իսկ Ասիայի հիմնական բորսաներում բաժնետոմսերը գրանցել են կտրուկ անկումներ՝ Իրանի դեմ ԱՄՆ‑Իսրայել պատերազմի հինգերորդ շաբաթվա ֆոնին, հայտնում է BBC-ն:
Brent տեսակի նավթի գինը բարձրացել է ավելի քան 3%-ով՝ հասնելով 115 դոլարի մեկ բարելի դիմաց, իսկ ԱՄՆ-ում առևտուրն իրականացնող WTI նավթի գինը գրանցել է մոտ 2% աճ՝ հասնելով 101,62 դոլարի: Սա Brent-ի համար ամենամեծ ամսական վերելքն է պատմության ընթացքում:
Ասիական բորսաներում էլ անկումներ են գրանցվել. Ճապոնիայի Nikkei 225 ինդեքսը կորցրել է 2,8%, իսկ Հարավային Կորեայի Kospi-ն՝ մոտ 3%։
Վիճակը սրվել էր, երբ Իրանի աջակցությամբ գործող Եմենի հութիները հարվածել էին Իսրայելին, իսկ Իրանն սպառնացել էր ընդլայնել հակահարվածները՝ ուղղված ամերիկացի և իսրայելցի պաշտոնյաների և համալսարանների նկատմամբ: ԱՄՆ նախագահ Դոնալդ Թրամփը հայտարարել էր, որ կցանկանար վերահսկել Իրանի նավթային համակարգը:
Armenia Today
