ՆԱՏՕ-ն սկսել է այս տարվա խոշորագույն Բալթյան զորավարժություններն՝ առանց ԱՄՆ-ի մասնակցության

Շլեզվիգ-Հոլշտայնի Բալթյան ծովափին մեկնարկել են ՆԱՏՕ-ի այս տարվա խոշորագույն զորավարժությունները՝ Steadfast Dart 26 գործողությունը: Դաշինքի դաշնակիցների արձագանքման ուժերի ստորաբաժանումները ափհանում են կատարել Պուտլոս զորավարժարանում՝ գերմանական Ֆեմարն կղզու մոտ:

Սցենարը ներառում է հարավային Եվրոպայից զորքերի արագ տեղակայման վարժանքներ դեպի արևելյան թև: Զորավարժությունների հիմնական առանձնահատկությունը Միացյալ Նահանգների անմիջական մասնակցության բացակայությունն է, գրում է Bild-ը:

Բուն ափհանմանը մասնակցում են 15 ռազմանավ և մոտ 2600 զինծառայող: Զորավարժություններին մասնակցում են ընդհանուր առմամբ մոտ 10 հազար զինծառայող, ավելի քան 1500 միավոր զինտեխնիկա և 17 ռազմանավ 13 երկրներից: Ամենախոշոր զորակազմը Թուրքիայից, Իսպանիայից, Իտալիայից և Հունաստանից է: Զորավարժություններին հետևում է Գերմանիայի պաշտպանության նախարար Բորիս Պիստորիուսը:

Դաշնակիցների արձագանքման ուժերը հայտնի են որպես ՆԱՏՕ-ի «նիզակի ծայր»: Ճգնաժամի դեպքում այն ​​պետք է կարողանա տասն օրվա ընթացքում տեղակայել մինչև 40 հազար զորք։ Տեղակայման որոշումն ընդունում է ՆԱՏՕ-ի Հյուսիսատլանտյան խորհուրդը։

News.am