«Մեր ձևով» շարժման համակարգող Նարեկ Կարապետյանը տարածաշրջանի ապաշրջափակմանը դեմ չէ, բայց վստահ է, որ հայ գործարարը որևէ ապրանք չի կարողանալու թուրքական և ադրբեջանական շուկայում վաճառել։ Նա Մայր աթոռ սուրբ Էջմիածնում լրագրողների հետ զրույցում հիշեցրեց` այդ երկրները Հայաստանից ապրանք չեն գնում։
Նշենք, որ վարչապետ Նիկոլ Փաշինյանն այսօր հայտարարել է, որ Ադրբեջանից նավթամթերքով բեռնված մեկ գնացք է գալիս Հայաստան։
«Հայկական ապրանքների մուտքը Թուրիքա արգելված է։ Այդ երկիրը չի գնում մեր ապրանքը։ Նույնն էլ Ադրբեջանում է։ Ինչ իրենք կարող են, ծախելու են մեր վրա, ինչ չեն կարողանալու` չեն թողնելու վաճառենք իրենց վրա»,– ասաց նա։
Կարապետյանի կարծիքով` հաշտության պարագայում թույլ կողմ չպետք է լինի, իսկ բանակցողը հայկական կողմից պետք է հեղինակություն լինի։
Sputnik Արմենիա
