Ռուսաստանը երբեք թույլ չի տա կասկածի տակ դնել ԽՍՀՄ-ի վճռորոշ դերը ֆաշիստական Գերմանիայի դեմ տարած հաղթանակի գործում, հայտարարել է Ռուսաստանի պատմական ընկերության նախագահ, ՌԴ արտաքին հետախուզության ծառայության տնօրեն Սերգեյ Նարիշկինը:
«Ռուսաստանը Մեծ հաղթանակի իրավահաջորդի իրավունքով ամուր կանգնած է Նյուրնբերգյան տրիբունալի որոշումների անխախտելիության սկզբունքների վրա և միշտ պաշտպանում է ճշմարտությունը և թույլ չի տալիս խոսել այն մասին, որ նացիստներն ու նրանց հանցագործություններն ամենևին էլ սարսափելի չեն», – հայտարարել է նա «Ռոսիա-24» հեռուստաալիքի եթերում:
Նարիշկինն ընդգծել է, որ ՄԱԿ-ի ստեղծման համար իրավական հիմք են ծառայել Նյուրնբերգյան գործընթացի ընթացքում մշակված որոշումները: Հետագայում հենց ՄԱԿ-ի պատերի ներսում են ձևակերպվել և ընդունվել միջազգային առանցքային ակտեր, ներառյալ Մարդու իրավունքների համընդհանուր հռչակագիրը, ինչպես նաև ցեղասպանության, ապարտեիդի և ռասայական խտրականության վերացմանն ուղղված կոնվենցիաները:
Նարիշկինն ափսոսանք է հայտնել, որ ՄԱԿ-ի դրական ներուժը ագրեսիայի է ենթարկվում, հատկապես վերջին երկու տասնամյակների ընթացքում: Նա նշել է, որ այդ հարձակումները գալիս են Արևմուտքի տոտալիտար-լիբերալ ռեժիմների գլոբալիստական շրջանակներից։
Sputnik Արմենիա
