Ուկրաինական «Միրոտվորեց» տվյալների բազայում ներառվել է Ամենայն հայոց կաթողիկոսի եղբայրը

Հայ առաքելական եկեղեցու Ռուսաստանի և Նոր Նախիջևանի թեմի առաջնորդ, Ամենայն հայոց կաթողիկոս Գարեգին Բ-ի եղբայր՝ արքեպիսկոպոս Եզրաս Ներսիսյանը ներառվել է ուկրաինական «Միրոտվորեց» ծայրահեղական կայքի տվյալների բազայում, հայտնում է ՏԱՍՍ-ը՝ վկայակոչելով կայքի տեղեկատվությունը։

Կայքի հեղինակները, մասնավորապես, մեղադրում են արքեպիսկոպոս Եզրասին Ուկրաինայի ինքնիշխանության և տարածքային ամբողջականության դեմ ոտնձգության, ինչպես նաև Ռուսաստանի նկատմամբ հրապարակային աջակցություն ցուցաբերելու մեջ։

Այս տարվա մարտին Ռուսաստանի նախագահ Վլադիմիր Պուտինը արքեպիսկոպոս Եզրաս Ներսիսյանին պարգևատրել է Ալեքսանդր Նևսկու շքանշանով։

News.am