ՀՀ քաղաքացիների ավելի քան 30 տոկոսը կամ յուրաքանչյուր երրորդը, հարցումների համաձայն, վարչապետ Նիկոլ Փաշինյանին համարում է դավաճան։ Այս մասին նոյեմբերի 14-ին Ազգային ժողովում ավանդական ճեպազրույցների ժամանակ հայտնել է ընդդիմադիր պատգամավոր, Հայաստանի Հանրապետական կուսակցության անդամ Հայկ Մամիջանյանը։
Փաշինյանը նախկինում հայտարարել էր, որ 2018թ․ Հայաստանը հայտնվել էր մի երկրի գրպանում, որի ազդեցության գործակալներն են ներկայիս խորհրդարանական ընդդիմության ներկայացուցիչները։
«Զարմանալի չէ նման բան լսել դավաճանից։ Նա իր գործողություններով ցույց է տվել, թե ինչպես պետք է ծառայել այլ երկրների շահերին։ Գրեթե ամեն օր ի հայտ եկող փաստերը հստակ ցույց են տալիս, թե ով է մարզել Փաշինյանին, ում հրամաններն է նա կատարել և ով է մինչ օրս շարունակում մնալ նրա ուղղորդողը», ասել է Մամիջանյանը։
News.am
