2025 թվականի արդյունքներով ՀՀ մաքսային ծառայությունները 131,1 մլրդ դրամ են հավաքել։ Այս 131,1 մլրդ–ից 125,4 մլրդ–ը փոխանցվել է ԵԱՏՄ մաքսատուրքերի բյուջե («ընդհանուր կաթսա»)։ Հանրապետությունն այնտեղից հետ է ստացել մոտ 69,5 մլրդ դրամ։ Այս մասին ասվում է Պետեկամուտների կոմիտեի տարեկան հաշվետվության մեջ։
Հաշվի առնելով, որ ոչ բոլոր մաքսատուրքերն են փոխանցվում ԵԱՏՄ բյուջե, Հայաստանի մաքսատուրքերից ստացված ընդհանուր բյուջեի եկամուտները կազմել են 75,2 մլրդ դրամ կամ գրեթե նույնքան, որքան 2024 թվականին (1.3% պակաս)։
Համեմատության համար` 2024 թվականին Հայաստանը ԵԱՏՄ «ընդհանուր կաթսայից» ստացել է 76 մլրդ 166 մլն դրամ մաքսատուրք կամ մի փոքր (879 մլն դրամ) ավելի, քան 2023 թվականին։
Այսպիսով, 2025 թվականին, 2024 թվականի համեմատ, մաքսատուրքերի ներհոսքը նվազել է ապրանքների (հատկապես ոսկու և էլեկտրոնիկայի) միջազգային վերավաճառքի ծավալների նվազմանը զուգահեռ։
Հավելենք, որ Հայաստանից ԵԱՏՄ «ընդհանուր կաթսա» փոխանցված մաքսատուրքերը 2022 թվականից հետո աճել են ԵԱՏՄ արտաքին առևտրային երթուղիների փոփոխման պատճառով (մասամբ դեպի Հայաստան, Ղազախստան և Ղրղզստան դրանց վերաուղղորդման)։ Մաքսատուրքերի բաշխման ժամանակ Հայաստանի մասնաբաժինը մնում է նույնը՝ 1,22%։
Sputnik Արմենիա
